web counter
LEXO PA REKLAMA!

SHKARKO APP

App Store
Google Play

Abuzoi me një vajzë me aftësi të kufizuara/ Arrestohet 44-vjeçari në Shijak

26 Nëntor 2025, 10:34, Kronika CNA

Abuzoi me një vajzë me aftësi të kufizuara/ Arrestohet

Një 44-vjeçar është vënë në prangat e policisë pasi kreu marrëdhënie seksuale me dhunë me një 18-vjeçare me aftësi ndryshe.

H.G., akuzohet për kryerje të marrëdhënieve seksuale me dhunë me të rritura, me persona të paaftë për t’u mbrojtur”, “mbajtje pa leje të organeve kompetente të armëve të gjahut” dhe “mbajtje pa leje të organeve kompetente të armëve të ftohta”.

Në banesën e të dyshuarit, në fshatin Xhafzotaj të Shijakut u gjetën një shkop gome dhe një armë gjahu pa leje.

 

Njoftimi i Policisë

Shijak

Kreu marrëdhënie seksuale me dhunë me një 18-vjeçare, kapet dhe vihet në pranga autori i dyshuar.

Sekuestrohen një armë gjahu që e mbante pa leje dhe një shkop gome që përdor Policia.

Specialistët për Hetimin e Krimit në Komisariatin e Policisë Shijak, menjëherë pas kallëzimit të marrë për një shtetas që kishte kryer marrëdhënie seksuale me dhunë në një banesë të braktisur në fshatin Pjezë, me një shtetase që vuan nga shëndeti mendor, organizuan punën për kapjen e tij.

Si rezultat, u kap dhe u vu në pranga shtetasi H. G., 44 vjeç, banues në fshatin Pjezë të Njësisë Administrative Xhafzotaj, Shijak.

Gjatë kontrollit të banesës së autorit të dyshuar, Policia gjeti dhe sekuestroi në cilësinë e provës materiale një shkop gome dhe një armë gjahu, të cilën e mbante pa leje të organeve kompetente.

Materialet procedurale i kaluan Prokurorisë së Rrethit Gjyqësor Juridiksionit të Përgjithshëm Durrës, për veprat penale “Kryerja e marrëdhënieve seksuale me dhunë me të rritura, me persona të paaftë për t’u mbrojtur”, “Mbajtje pa leje të organeve kompetente të armëve të gjahut” dhe “Mbajtje pa leje të organeve kompetente të armëve të ftohta”./CNA

 

 

 

 





Lajmet e fundit nga