web counter
LEXO PA REKLAMA!

SHKARKO APP

App Store
Google Play

E fundit!

x

Zbardhen 3 vjedhje me armë në Krujë/ Në kërkim 30-vjeçari me precedentë kriminalë

6 Janar 2026, 10:15, Kronika CNA

Zbardhen 3 vjedhje me armë në Krujë/ Në kërkim

Një 30-vjeçar është identifikuar dhe shpallur në kërkim, si autor i dyshuar i tri vjedhjeve me armë të kryera në Krujë. 

Shtetasi E. N. (Ll.), rezulton me precedentë të theksuar kriminalë në disa fusha. 

Gjatë operacionit policor të koduar “Ends” u sekuestrua edhe automjeti i vjedhur.

Njoftimi:

Shërbimet e Komisariatit të Policisë Krujë, menjëherë pas marrjes së njoftimit për një rast vjedhjeje me armë, kanë organizuar punën me qëllim zbardhjen e vjedhjes, identifikimin dhe kapjen e autorit.

Si rezultat i veprimeve të shpejta hetimore të kryera në kuadër të operacionit policor të koduar “Ends”, është zbardhur ky rast vjedhjeje dhe është identifikuar autori i dyshuar, shtetasi E. N. (Ll.), 30 vjeç, banues në Mamurras. 

Nga hetimet dyshohet se 30-vjeçari, në orët e para të mëngjesit të djeshëm, ka vjedhur automjetin taksi me të cilin lëvizte, pasi ka kanosur me armë zjarri, drejtuesin e saj.   

Më pas, dyshohet se ka lëvizur me automjetin e vjedhur në drejtim të qytetit të Laçit, ku në dy karburante, iu ka marrë punonjësve, shuma parash dhe sende personale, duke i kanosur ata, me armë zjarri. 

Punohet për kapjen e 30-vjeçarit, për dokumentimin e këtyre rasteve dhe të vjedhjeve të tjera që mund të ketë kryer ky shtetas.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme./CNA 





Lajmet e fundit nga