web counter
LEXO PA REKLAMA!

SHKARKO APP

App Store
Google Play

Xhaxhai i Visar Cengut, hedh hije dyshimi/ Versioni i faturës, nuk është i vërtetë

5 Janar 2023, 20:54, Kronika CNA
Xhaxhai i Visar Cengut, hedh hije dyshimi/ Versioni i faturës, nuk
Autori Dritan Hoxhaj, viktima Visar Cengu dhe xhaxhai Besim Cengu

Xhaxhai i Visar Cengut, Besim Cengu, ka folur për vrasjen e nipit të tij nga Dritan Hoxhaj, i cili njihet si “Kobra”.

Xhaxhai i viktimës tregoi se nipi i tij ishte kthyer para një muaji nga Franca dhe shkoi në Prizren me dy shokë të tij për pushime.

“Nipi ka qenë emigrant. Është kthyer nga Franca para një muaji. Është djali i vetëm. Pas festës në shtëpi me prindërit dhe tre motrat iku në Prizren me dy shokë moshatarë, që i ka edhe fqinj. Shkuan të konsumonin një darkë meqë ishin ditët e pushimit”, u shpreh ai për “5pyetjet”.

Besim Cengu tha se nuk e beson që sherri në 3 janar të ketë nisur për faturën 400 euro.

“Kjo është një version i atij djalit atje për të dalë nga situata. Është version i atyre. Këta kanë shkuar kanë ngrënë darkë dhe nuk kanë paguar faturën? Kjo është skandaloze. Nuk ndodh. Por ka një problem, personi që ka kryer krimin, është me më shumë se 35 precedentë”, deklaroi xhaxhai i 31-vjeçarit.

Ai deklaroi se nipi i tij nuk e ka njohur zonën në të cilën ka shkuar me shokët e tij, ndaj edhe ngecën në lokalin e Hoxhajt.

“Fëmijët tanë nuk ishin të armatosur. Ai ka pasur truproja. Kur ke “mashën pse djeg duart”? Unë e njoh atë vend komplet. Të gjitha lokalet në periferi të Prizrenit janë të infektuara, ose janë lokale nate, shfrytëzohen prostituta dhe e dyta aty është edhe elementi i krimit, armës. Këta (djemtë) nuk e kanë ditur këtë formë, kanë shkuar për një darkë dhe ngecën në atë vend”, theksoi Besim Cengu./ B.A. – CNA.al





Lajmet e fundit nga