web counter
LEXO PA REKLAMA!

SHKARKO APP

App Store
Google Play

5 muaj pa gjurmë/ Klodiana Lala: Çfarë i tha prokuroria xhaxhait të Martinajt

4 Janar 2023, 22:53, Kronika CNA
5 muaj pa gjurmë/ Klodiana Lala: Çfarë i tha prokuroria
Gazetarja Klodiana Lala

Gazetarja Klodiana Lala ka folur mbrëmjen e sotme për zhdukjen e Ervis Martinajt dhe kontrollet në banesën e këtij të fundit.

Lala tha në emisionin “Opinion” se policia “u ngrit në këmbë” nga një telefonatë e përgjuar në burg.

Për të mësuar për fatin e Martinajt është interesuar edhe xhaxhai i tij, Faik Martinaj pranë Prokurorisë së Kurbinit.

Por sipas Lalës, Prokuroria i ka thënë se nuk ka asnjë gjë të re për këtë çështje. Gazetarja pretendon se në fakt autoritetet janë shumë larg zbulimit të të vërtetës.

“Një person brenda burgjeve ka vënë në alarm Policinë. Ervis Martinaj është i shpallur në kërkim. Unë mendoj se të dy opsionet qëndrojnë. Jam e ndarë në mes. Por di që ky aksion është i vonuar. Nga informacionet që unë kam nga Prokuroria e Kurbinit, Faik Martinaj ka shkuar për të kërkuar informacion për hetimet, por nuk ka asgjë të re.

Jeton Lami nuk ka dhënë asnjë të dhënë në rrugë zyrtare. Përveç bisedës që ka pasur me Gledis Nanon, konfirmohet edhe nga kamerat e sigurisë, ai është çelësi i vetëm për të shkuar tek Ervis Martinaj. Ka pasur disa të shoqëruar që kanë lidhje me Martinaj, disa janë lënë të lirë për strategji hetimi, një tjetër është lënë në "arrest shtëpie". Kjo është një histori që do të vazhdojë shumë gjatë. Autoritetet janë shumë larg zbulimit të të vërtetës”, theksoi Lala./ B.A. – CNA.al





Lajmet e fundit nga