web counter
LEXO PA REKLAMA!

SHKARKO APP

App Store
Google Play

E fundit!

x

Vrasja e 35-vjeçares shqiptare/ Ende asnjë i arrestuar, gjendet makina e autorit të dyshuar

6 Qershor 2022, 11:50, Kronika CNA
Vrasja e 35-vjeçares shqiptare/ Ende asnjë i arrestuar, gjendet
Foto ilustruese

Vijojnë hetimet për vrasjen e 35-vjeçares shqiptare Nevila Pjetri, trupi i së cilës u gjet rreth orës 02:00 të së dielës përgjatë përroit Parmignola rreth 500 metra nga Marinella.

Ndërkohë, mediat raportojnë se ende nuk ka asnjë person të arrestuar, ndërsa bashkëshorti i shqiptares ka thënë se nuk e dinte që gruaja e tij dyshohet se ushtronte prostitucion.

Sipas hetuesve, gruaja është parë për herë të fundit në mbrëmjen e së shtunës shumë vonë teksa ka hipur në një makinë të bardhë të drejtuar nga një burrë.

Ndërkohë, mediat raportojnë se në trupin e 35-vjeçares kishte shenja të dukshme të një sulmi ndaj saj.

Hetimet kanë bërë të mundur gjetjen e makinës me të cilën kishte mbërritur gruaja në vendngjarje. Dhe kanë qenë pikërisht këto detaje që kanë shtyrë policinë të shkojë në vendin ku vajza ushtronte “profesionin” e saj.

Në territorin e komunës Sarzana, ata gjetën dëshmitarët e parë dhe kështu mundën të identifikonin viktimën.

Sipas hetimeve vrasja nuk ka ndodhur në vendin ku më pas është gjetur trupi, në shtratin e lumit Parmignola në Sarzara të Italisë.

Kanë qenë miqtë dhe kolegët e saj që kanë raportuar makinën në të cilën ka hipur viktima dhe është larguar. Mediat italiane shkruajnë se ka qenë dikush që kishte parë gjithashtu një burrë që tërhiqte një trup drejt përroit.

Prandaj dyshohet se mund të ketë qenë një klient i gruas që e ka vrarë, ndoshta gjatë një grindjeje.  





Lajmet e fundit nga