web counter
LEXO PA REKLAMA!

SHKARKO APP

App Store
Google Play

U vra dhe më pas u hodh në kanal/ Zbulohet identiteti i 35-vjeçares shqiptare, si ndodhi ngjarja

5 Qershor 2022, 21:29, Kronika CNA

U vra dhe më pas u hodh në kanal/ Zbulohet identiteti i

Është identifikuar 35-vjeçarja shqiptare e cila u gjet e pajetë në një kanal mbrëmjen e djeshme në Itali.

Sipas mediave fqinje bëhet fjalë për Nevila Pjetrin, emigrante shqiptare me vendbanim në Carrara, por që prej vitesh jetonte në Itali.

Ajo dyshohet se punonte si prostitutë në zonën e Parmigliola, provinca La Spezia në Liguria, Itali.

Bazuar në rrëfimet e dëshmitarëve, mbrëmjen e së shtunës ajo gjendej bashkë me disa vajza e gra të tjera, kryesisht shqiptare dhe nga vende të tjera, duke pritur për klientë.

Në një moment afrohet një automjet tip veturë me ngjyrë të bardhë me targa lokale italiane, ndalon dhe bën pazar për pak sekonda me 35-vjeçaren shqiptare.

Viktima pranon të hipë dhe shoqërohet nga sytë e shoqeve. Pasi kalojnë pak orë, ajo gjendet e vdekur, shumë afër vendit ku u mor nga klienti misterioz.

Njëra nga shoqet e 35-vjeçares tregoi para hetuesve në vendngjarje se pa një burrë të mbante një trup njeriu që e nxori nga makina, e flaku përtokë afër një përroi dhe iku me shpejtësi që aty.

Viktima u gjet gjysmë e zhveshur, e tëra në gjak. Dyshimet janë se është qëlluar edhe me armë zjarri. Dyshohet se viktima fillimisht është dhunuar dhe më pas është vrarë me pistoletë.

Nevila Pjetri, nuk ishte një emër i panjohur për drejtësinë pasi në vitin 2009 ajo është ndaluar në Elbasan për prostitucion./E.T-CNA.al

 

 





Lajmet e fundit nga