web counter
LEXO PA REKLAMA!

SHKARKO APP

App Store
Google Play

Vodhën shuma parash dhe celularë/ Arrestohen 4 të rinjtë në Tiranë

14 Mars 2025, 19:43, Kronika CNA

Vodhën shuma parash dhe celularë/ Arrestohen 4 të rinjtë

Policia e Tiranës ka kapur dhe vënë në pranga 4 shtetas të akuzuar se vodhën me dhunë një shumë parash dhe celularë, në një banesë të marrë me qira nga 3 shtetase të huaja. Aksioni ishte finalizim i operacionit policor të koduar “Brothers”.

Policia ka sekuestruar edhe 3350 euro, lënda narkotike, një armë e ftohtë, automjeti i përdorur gjatë vjedhjes dhe 4 celularë.

Si rezultat i operacionit u arrestuan shtetasit:

S. Z., 20 vjeç dhe O. Z., 18 vjeç (vëllezër);

Xh. S., 20 vjeç dhe S. S., 18 vjeç (vëllezër).   

Këta shtetas, në bashkëpunim me njëri-tjetrin, kanë vjedhur me dhunë një shumë parash dhe 2 celularë, në banesën e marrë me qira nga 3 shtetase turke.

Në vijim të veprimeve u bë dhe arrestimi i shtetases turke M. M., 24 vjeçe, pasi gjatë kontrollit të banesën e marrë me qira, u gjet dhe u sekuestrua një sasi lënde narkotike kanabis.

Gjithashtu, u proceduan në gjendje të lirë 2 shtetaset e tjera turke, për moskallëzim krimi.

Materialet procedurale iu referuan Prokurorisë së Tiranës, për veprime të mëtejshme. /CNA





Lajmet e fundit nga