web counter
LEXO PA REKLAMA!

SHKARKO APP

App Store
Google Play

Lëvizte me 100 mijë euro të padeklaruara/ Arrestohet 40-vjeçari në Portin e Durrësit

12 Mars 2025, 12:54, Kronika CNA

Lëvizte me 100 mijë euro të padeklaruara/ Arrestohet

Policia e portit të Durrësit ka sekuestruar 108 960 euro dhe 600 franga, të dyshuara si produkt i veprimtarive kriminale dhe ka vënë në pranga 40-vjeçarin të cilit iu gjetën paratë në furgonin që drejtonte.

Ky është një tjetër rast kur evidentohet dhe goditet një tjetër tentativë për të lëvizur me shuma të mëdha parash, pa i deklaruar në PKK.

Ky operacion shënoi fazën e dytë të operacionit policor të koduar “Aseti".

3 ditë më parë, Policia e portit të Durrësit sekuestroi 223 200 euro të dyshuara produkt i krimeve dhe vuri në pranga poseduesin e tyre.

Gjatë operacionit u arrestua në flagrancë shtetasi J. Z., 40 vjeç.

Gjatë kontrollit në vijën e dytë, në furgonin që drejtonte ky shtetas, u gjetën 108 960 euro dhe 600 franga, që tentonte t’i fuste në Shqipëri, pa i deklaruar në PKK.

Së bashku me paratë, u sekuestruan në cilësinë e provës materiale, furgoni që drejtonte i arrestuari, si dhe 2 celularë dhe pasaporta e tij.

Në bashkëpunim me Prokurorinë dhe me partnerët, vijon puna për të dokumentuar burimin e parave të sekuestruara.

Materialet procedurale i kaluan Prokurorisë së Durrësit, për veprime të mëtejshme./CNA





Lajmet e fundit nga