web counter
LEXO PA REKLAMA!

SHKARKO APP

App Store
Google Play

E fundit!

x

Shpërndanin kartëmonedha të falsifikuara/ Arrestohen 2 persona në Vlorë

11 Mars 2025, 12:10, Kronika CNA

Shpërndanin kartëmonedha të falsifikuara/ Arrestohen 2 persona

Policia e Vlorës ka vënë sot në pranga 2 shtetas që siguronin euro të falsifikuara dhe procedoi penalisht 1 tjetër person që i fuste në treg duke kryer blerje në biznese të ndryshme të qytetit.

Aksioni ishte finalizim i operacionit policor “Fake Cash”, që goditi një tjetër rast të shpërndarjes së kartëmonedhave të falsifikuara.

Si rezultat, u arrestuan në flagrancë shtetasit:

• J. T., 25 vjeç, banues në Skrapar;

• B. S., 35 vjeç, banues në Përmet.

Si dhe u procedua në gjendje të lirë shtetasi T. K., 24 vjeç, banues në Vlorë.

Sipas Policisë, nga veprimet hetimore ka rezultuar se këta shtetas, në bashkëpunim me njëri-tjetrin, ushtronin aktivitet të kundërligjshëm të shpërndarjes së kartëmonedhave të falsifikuara në qytetin e Vlorës. Shtetasi T. K. dyshohet se siguronte kartëmonedha false nga dy të arrestuarit dhe më pas i fuste në treg duke i përdorur për blerje në biznese të ndryshme të zonës.

Gjatë operacionit u sekuestrua në cilësinë e provës materiale një shumë prej 2550 eurosh të dyshuara të falsifikuara, në prerje 50 dhe 100 euro.

Nën drejtimin e Prokurorisë së Vlorës, vijojnë hetimet për identifikimin dhe kapjen e personave të tjerë të përfshirë në këtë veprimtari të paligjshme.

Materialet iu referuan Prokurorisë për veprime të mëtejshme./CNA 

Shpërndanin kartëmonedha të falsifikuara/ Arrestohen 2 persona





Lajmet e fundit nga