web counter
LEXO PA REKLAMA!

SHKARKO APP

App Store
Google Play

Transportonin mallra të kontrabanduara me vlerë 50,000 euro/ Arrestohen tre persona në Tiranë

6 Mars 2025, 13:47, Kronika CNA

Transportonin mallra të kontrabanduara me vlerë 50,000 euro/

Arrestohen tre persona në Tiranë pasi u kapën duke transportuar me 2 makina veshje dhe aksesorë të kontrabanduar me vlerë rreth 50,000 euro.

A. K., 33 vjeç, K. K., 64 vjeç dhe S. K., 34 vjeç u arrestuan pasi iu gjetën 16 çanta dhe valixhe me mallra kontrabandë që do shiteshin në dyqanin e 33-vjeçarit. 

Policia ka sekuestruar mallrat, automjetet dhe celularët.

Transportonin me 2 automjete, veshje dhe aksesorë të kontrabanduar, me vlerë rreth 50 000 euro, arrestohen në flagrancë 3 shtetas.

Njëri prej tyre, pronari i dyqanit ku do të shiteshin mallrat.

Sekuestrohen mallrat, 2 automjetet dhe 2 celularë.

Si rezultat i administrimit të shpejtë të informacioneve të siguruara nga inteligjenca policore, për një rast të tregtimit të veshjeve dhe aksesorëve të kontrabanduar, Seksioni për Hetimin e Krimeve Ekonomiko-Financiare i DVP Tiranë finalizoi operacionin “Furnizimi”.

Gjatë operacionit u arrestuan në flagrancë shtetasit A. K., 33 vjeç, K. K., 64 vjeç dhe S. K., 34 vjeç, të tre banues në Tiranë.

Në rrugën “Teodor Keko”, janë ndaluar automjetet me drejtues shtetasit A. K. dhe K. K., si dhe pasagjer shtetasin S. K., në të cilat nga kontrollet janë gjetur 16 çanta dhe valixhe, me veshje dhe aksesorë, pa fatura blerjeje. Nga veprimet hetimore dyshohet se mallrat e kontrabanduara do të shiteshin në dyqanin e 33-vjeçarit.

Materialet procedurale iu referuan Prokurorisë së Tiranës, për veprime të mëtejshme, thuhet në njoftimin e Policisë./ CNA





Lajmet e fundit nga