web counter
LEXO PA REKLAMA!

SHKARKO APP

App Store
Google Play

E fundit!

x

I shpallur në kërkim për dosjen "Toyota Yaris"/ Dorëzohet në polici avokati Radovan Çela

5 Mars 2025, 15:41, Kronika CNA

I shpallur në kërkim për dosjen "Toyota Yaris"/

Avokati Radovan Çela, i cili ishte shpallur në kërkim për dosjen “Toyota Yaris”, është dorëzuar në Policinë e Tiranës.

Çela u shpall në kërkim për dosjen ku u arrestua prokurori Aurel Zarka. 

Avokati akuzohet për “Korrupsion aktiv i gjyqtarit, prokurorit dhe i funksionarëve të tjerë të drejtësisë” dhe “Ushtrimi i ndikimit të paligjshëm ndaj personave që ushtrojnë funksione publike”. SPAK dyshon se avokati ka marrë ryshfet për të ndikuar te disa gjyqtarë.

Sipas hetimeve, avokati së bashku me prokurorin Zarka kanë ndërhyrë dhe për të hequr nga sekuestro pasuritë e Suel Çelës.

 

Në lidhje me dorëzimin e avokatit ka reaguar dhe Policia e Shtetit.

 

"DVP Tiranë

Specialistët për Hetimin e Krimeve Ekonomiko-Financiare bënë ekzekutimin e vendimit të Gjykatës së Posaçme të Shkallës së Parë për Korrupsionin dhe Krimin e Organizuar Tiranë për shtetasin në kërkim R. Ç., 44 vjeç, banues në Tiranë.

Për këtë shtetas, Gjykata e Posaçme e Shkallës së Parë për Korrupsionin dhe Krimin e Organizuar ka vendosur masën e sigurisë “Arrest me burg” si i dyshuar për kryerjen e veprave penale “Korrupsioni aktiv i gjyqtarit, prokurorit dhe i funksionarëve të tjerë të drejtësisë” dhe “Ushtrimi i ndikimit të paligjshëm ndaj personave që ushtrojnë funksione publike”.

Materialet procedurale i kaluan SPAK-ut, për ndjekje të mëtejshme", thuhet në njoftim./ CNA





Lajmet e fundit nga