web counter
LEXO PA REKLAMA!

SHKARKO APP

App Store
Google Play

Operacioni "Multiple"/ Trafikonte lëndë narkotike, vihet në pranga 24-vjeçari

9 Mars 2025, 10:23, Kronika CNA

Operacioni "Multiple"/ Trafikonte lëndë narkotike, vihet

Një 24-vjeçar në qytetin e Beratit  ka rënë në prangat e policisë pas hetimeve ku rezultoi se trafikonte lëndë narkotike në lagje të ndryshme të qytetit.

Të riut me inicialet M.L., pas kontrolleve iu sekuestruan dozat e kanabisit, kanabis në formë boçeje, një aparat celular dhe një shumë monetare që dyshohet se janë përfituar nga kjo veprimtari.

 

"Vijojnë veprimet hetimore në kuadër të operacionit të koduar "Multiple", që u zhvillua ditën e premte, ku u arrestuan 2 shtetas dhe u proceduan 4 të tjerë, për shfrytëzim prostitucioni, prostitucioni dhe organizimi i lotarive të palejuara.

Si rezultat i hetimeve u identifikua dhe u vu në pranga dhe një 24-vjeçar, i cili shiste lëndë narkotike në qytetin e Beratit.

Sekuestrohen dhjetra doza kanabis, një sasi kanabisi në formë boçeje, një shumë parash e përfituar nga shitja e lëndës narkotike dhe sende të tjera të kundraligjshme.

Specialistët për Hetimin e Narkotikëve dhe Trafiqeve të Paligjshme nën drejtimin e Prokurorisë Berat, në vijim të veprimeve hetimore të kryera në kuadër të operacionit të koduar "Multiple", bënë të mundur arrestimin në flagrancë të shtetasit M. L., 24 vjeç, banues në Berat, për veprën penale "Prodhimi dhe shitja e narkotikëve".

Shërbimet e Policisë gjatë kontrollit fizik dhe në banesë i gjetën shtetasit L. M, lëndë narkotike cannabis në formë boçeje dhe të ndarë në doza, të cilën dyshohet se e shiste në lagje të ndryshme të qytetit të Beratit, 1 aparat celular, shuma monetare të cilat dyshohet se janë përfituar nga veprimtaria e kundërligjshme të shitjes së lëndëve narkotike", thuhet në njoftimin e Policisë./CNA





Lajmet e fundit nga