web counter
LEXO PA REKLAMA!

SHKARKO APP

App Store
Google Play

Operacioni “Tentakulat”/ Bien në pranga 5 anëtarët e grupit kriminal, 5 të tjerë në kërkim

13 Mars 2025, 13:51, Kronika CNA

Operacioni “Tentakulat”/ Bien në pranga 5 anëtarët e

Finalizohet operacioni i koduar “Tentakulat”, për goditjen e një grupi kriminal për shitje dhe trafikim kanabisi.

Në kuadër të këtij operacioni ranë në pranga 5 persona dhe u shpallën në kërkim 5 të tjerë.

Këta persona akuzohen se vepronin si grup i strukturuar kriminal që prej vitit 2019, duke siguruar lëndë narkotike në Krujë dhe Dibër, të cilën më pas e trafikonin drejt Kosovës dhe e shisnin në lokalet e Tiranës.

 

Njoftimi i policisë

Policia e Shtetit

Finalizohet operacioni policor i koduar “Tentakulat”, për goditjen e një grupi kriminal të implikuar që prej vitit 2019, në shitje dhe trafikim të Cannabisit. Identifikohen 10 pjesëtarë të grupit, të cilët e shisnin lëndën narkotike në lokale, në Tiranë, dhe e trafikonin në Kosovë.

Vihen në pranga 5 prej tyre. Shpallen në kërkim 5 të tjerët. Në kuadër të operacionit “Tentakulat”, Drejtoria për Hetimin e Krimit të Organizuar e Departamenti të Policisë Kriminale të DPPSh-së, në bashkëpunim me DVP Tiranë dhe me DVP Dibër, si dhe në drejtimin e Prokurorisë së Tiranës, ekzekutoi masën e sigurisë “Arrest në burg”, të caktuar nga Gjykata e Tiranës, për shtetasit: D. U., 45 vjeç; A. G. alias A. G., 47 vjeç; M. Gj., 56 vjeç; Y. T. alias Y. H., 51 vjeç dhe R. D., 30 vjeç.

Gjithashtu, në kuadër të këtij operacioni, janë identifikuar dhe shpallur në kërkim shtetasit A. D. alias A. D., 51 vjeç, A. D., 48 vjeç, N. G., 35 vjeç, E. T., 24 vjeç dhe I. P., 34 vjeç. Këta shtetas akuzohen se të organizuar si grup, që nga viti 2019, kanë siguruar lëndë narkotike Cannabis Sativa, nga zona të ndryshme në Krujë dhe Dibër, dhe më pas e kanë shitur në lokale, në Tiranë, dhe e kanë trafikuar në Kosovë. Nga hetimet dyshohet se 10 shtetasit janë bashkëpunëtorë për kryerjen e këtyre veprave penale, me 11 shtetas të identifikuar nga Policia e Gjirokastrës, gjatë operacionit policor të koduar “Crossborder line”, në muajin nëntor 2024.

Punohet për nxjerrjen përpara përgjegjësisë penale, të të gjithë pjesëtarëve të grupit. Materialet procedurale iu referuan Prokurorisë, për veprime të mëtejshme./ CNA





Lajmet e fundit nga