LEXO PA REKLAMA!

SHKARKO APP

Vjedhja me armë në minimarket/ Policia del me njoftim zyrtar

25 Shkurt 2024, 19:55, Kronika CNA

Vjedhja me armë në minimarket/ Policia del me njoftim zyrtar

Policia e Korçës ka dalë me një njoftim zyrtar për vjedhjen me armë në fshatin Drenovë të Korçës.

Siç raportoi më parë CNA, policia deklaron se persona të maskuar kanë vjedhur nën kërcënimin e armës shtetasin D. B., i cili është pronar i një minimarketi.

Ata kanë marrë në minimarket të gjitha paratë dhe disa paketa me cigare.

Për kapjen e tyre janë ngritur pika kontrolli në akset kryesore dhe hyrjet e daljet e qytetit.

“Mbrëmjen e sotme, në fshatin Drenovë, Korçë, dy persona të maskuar, nën kërcënimin e një sendi të dyshuar si armë zjarri, kanë hyrë në dyqanin ushqimor të shtetasit D. B., ku kanë marrë një shumë parash dhe disa paketa me cigare dhe më pas janë larguar.

Shërbimet e Policisë kanë shkuar menjëherë në vendngjarje. Gjithashtu janë ngritur pika kontrolli në akset kryesore dhe hyrjet e daljet e qytetit, me qëllim identifikimin dhe kapjen e autorëve.

Për këtë rast është krijuar një grup i posaçëm hetimor, i cili po punon për zbardhjen dhe dokumentimin e plotë të ngjarjes”, thuhet në njoftimin e policisë./ CNA

Lajmet e fundit nga