web counter
LEXO PA REKLAMA!

SHKARKO APP

App Store
Google Play

VIDEO-Me 4 mina me eksploziv në makinë/ Si u fut në “rrjetë” 51-vjeçari në Vlorë, momenti i arrestimit

13 Shtator 2023, 09:47, Kronika CNA
VIDEO-Me 4 mina me eksploziv në makinë/ Si u fut në
Foto ilustruese

Policia e Vlorës ka mundur të ndalojë një ngjarje kriminale dhe në aksionin e saj të koduar "Knock Out 3", ka kapur në flagrancë shtetasin P. N., 51 vjeç.

51-vjeçari, banues në Lezhë, kishte fshehur 4 minat me eksploziv C4, në kroskotin e makinës që drejtonte.

4 minat me telekomandë, me lëndë eksplozive C4, ishin të programuara për shpërthim në distancë (të pajisura me aparat celular dhe me kapsolla detonatore), të cilat dyshohet se do të përdoreshin për kryerjen e ngjarjeve të rënda kriminale.

Ashtu siç shihet dhe nga pamjet në video, ai është identifikuar menjëherë dhe është rrethuar nga forcat e policisë dhe është vënë në pranga.

Ndërkohë policia bën me dije se po vijojnë veprimet e thelluara hetimore, në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për të dokumentuar ligjërisht qëllimin e shtetasit P. N.

Më herët, Policia e Vlorës ka sekuestruar 5 mina të tjera gjatë operacioneve “Knock Out” dhe “Knock Out 2”./ CNA

 





Lajmet e fundit nga