web counter
LEXO PA REKLAMA!

SHKARKO APP

App Store
Google Play

E fundit!

x

Karamuço ngre alarmin/ Nxënësit po përdoren nga grupet kriminale

12 Shtator 2023, 22:28, Kronika CNA
Karamuço ngre alarmin/ Nxënësit po përdoren nga grupet
Eksperti i kriminalistikës, Ervin Karamuço

Eksperti i kriminalistikës, Ervin Karamuço, ka bërë një deklaratë të fortë këtë të martë, teksa ka folur për sigurinë në shkolla.

Karamuço tha se nxënësit po përdoren nga grupe kriminale, të cilat kanë targetuar shkollat.

Ai deklaroi në një intervistë televizive se fillimisht grupet kriminale i përdorin nxënësit në një formë eksperimentale dhe më pas edhe si formë fitimprurëse.

“Ne kemi harruar, por në vitet e para të tranzicionit kemi ushtruar kontrolle në shkolla për nxënës që ishin të dyshuar. Mësuesit dhe një staf gjithmonë raportonte për informacione të ndryshme. Tani perimetri duhet të parë se çfarë do të bëjmë brenda shkollës dhe jashtë gardhit.

Më erdhi mirë për iniciativën, është një model i marrë nga Perëndimi. Shkollat janë targetuar si objekte që rrezikohen shumë së fundmi, në një formë eksperimentale fillimisht, por edhe fitimprurëse nga grupe kriminale.

Kemi pasur ngjarje që kanë rrezikuar jetën e nxënësve, për fat të mirë jo si në Serbi. Mosha e nxënësve që përdorin lëndë narkotike ka shkuar në 12 vjeç, që do të thotë së duhen kontrolle edhe në shkollat 9-vjeçare.

Sot nuk kemi eksponentë të krimit që hyjnë serbes në shkolla, jo kemi një perimetër sigurie. Por këta futen ndryshe, duke përdorur po nxënësit e shkollave. Ne këta duhet t’i mbajnë nën vëzhgim, sepse shkolla e di se kush janë dhe duhet të marren masa, deri në përjashtim”, deklaroi eksperti i kriminalistikës./ CNA





Lajmet e fundit nga