web counter
LEXO PA REKLAMA!

SHKARKO APP

App Store
Google Play

E fundit!

x

U shiste armë personave që kryenin krime/ Vihet në pranga 28-vjeçari

8 Gusht 2025, 11:44, Kronika CNA

U shiste armë personave që kryenin krime/ Vihet në pranga

Policia ka finalizuar operacionin “Black market” në kuadër të të cilit ka arrestuar në Allias një 28-vjeçar, banues në Shkodër.

Në pranga ka rënë A. M., i cili u shiste armë zjarri personave që kryejnë krime.

28-vjeçari është person me precedentë të mëparshëm kriminalë për prodhim dhe shitje narkotikësh.

Gjithashtu u sekuestruan edhe dy armë zjarri të cilat dyshohet se do t'ua shiste personave që do të kryenin krime.

 

Njoftimi i policisë

 

Finalizohet operacioni policor i koduar “Black market”. Sekuestrohen 2 pistoleta.

Arrestohet në Allias, një 28-vjeçar, banues në Shkodër, që dyshohet se do t’ua shiste armët e zjarrit, shtetasve që kryejnë krime kundër jetës dhe pronës.

I arrestuari, shtetas me precedent penal, si pjesëtar i një grupi kriminal në Shkodër.

Në vijim të kontrolleve dhe punës intensive operative të Policisë së Tiranës, me fokus kapjen e shtetasve që lëvizin të armatosur dhe për pasojë, janë rrezik potencial për rendin dhe sigurinë e qytetarëve, shërbimet e Komisariatit të Policisë Nr. 4 finalizuan operacionin “Black market”.

Gjatë operacionit u arrestua në flagrancë shtetasi A. M., 28 vjeç, banues në Shkodër, me precedent për prodhim/shitje narkotikësh, në kuadër të grupit të strukturuar kriminal.

Nga kontrolli në automjetin me të cilin ai lëvizte në Allias, u gjetën 2 armë zjarri pistoleta, të cilat dyshohet se do t’ua shiste shtetasve që kryejnë krime kundër jetës dhe pronës.

Materialet procedurale iu referuan Prokurorisë së Tiranës, për veprime të mëtejshme.





Lajmet e fundit nga