web counter
LEXO PA REKLAMA!

SHKARKO APP

E fundit!

x

U kapën me 72 kilogramë kokainë në Spanjë/ Shqiptari dhe 3 trafikantët rrezikojnë 54 vite burg

30 Tetor 2023, 20:13, Kronika CNA

U kapën me 72 kilogramë kokainë në Spanjë/ Shqiptari

Prokuroria e Asturias në Spanjë ka kërkuar dënimin me 54 vite burg për katër të anëtarë të një rrjeti trafikantësh droge, të cilët tentuan të futnin më shumë se 72 kilogramë kokainë përmes portit të Aviles në vitin 2020.

3 nga të pandehurit janë me origjinë nga Peruja, ndërsa një tjetër është shqiptar. Ata janë pjesë e një organizate që trafikonte sasi të mëdha kokaine në Spanjë dhe më pas e shpërndanin atë në të gjithë territorin.

Kreu i këtij grupi, me profesion ushtarak, ishte personi përgjegjës për operacionin e trafikimit në muajt e parë të vitit 2020. Ai bënte planet, koordinonte secilin anëtar dhe i caktonte atyre detyrat.

Dy nga të pandehurit ishin gjithashtu ushtarakë, por edhe zhytës profesionistë, me njohuri të gjera në operacionet nënujore.

Të pandehurit kishin marrë dy çanta me 60 pak kokainë dhe donin t’i fusnin në Asturia me anije. Droga u nis nga porti i Callao në Peru, shkoi në Paris, në Amsterdam, ndërsa destinacioni i radhës ishte Katalonja e Spanjës.

Nga këtu, në 10 mars të 2020-ës, 4 trafikanët do të niseshin me anije drejt Asturias, por kur ata pikasën policinë zëvendësuan pakot dhe drogën e hodhën në det. Ata i vendosën pajisje GPS lëndës narkotike që ta merrnin sërish por policia e zbuloi dhe e nxori nga deti, ndërkohë që vburi në pranga 4 trafikantët./ CNA





Lajmet e fundit nga