LEXO PA REKLAMA!

SHKARKO APP

U arrestua në Kolumbi për trafik droge/ “Gucci” shqiptar, i akuzuar edhe për zhdukjen e “Renit të Elbasanit”

27 Shtator 2022, 12:45, Kronika CNA
U arrestua në Kolumbi për trafik droge/ “Gucci” shqiptar,
Deniz Klironomi

Dy ditë më parë u arrestua në Kolumbi shqiptari Deniz Klironomi, i njohur me nofkën “Gucci”.

Prej vitesh, Klironomi ishte shpallur në kërkim për një tentativë vrasjeje nga autoritetet shqiptare, ndërsa emri i tij është përfolur edhe për zhdukjen e Renato Hamza ose “Renit të Elbasanit”.

Ka qenë nëna e “Renit të Elbasanit” ajo që ka ngritur akuzat për përfshirje të “Gucci”-it në zhdukjen e këngëtarit.

Dyshohet se Klironomi ka marrë pjesë në zhdukjen e tij, së bashku me shtetasin Indrit Shaqja. Ky i fundit aktualisht ndodhet në burg, pasi është i dënuar për dy vrasje.

Ndërkohë, kujtojmë se Klironomi është përfolur si pjesë e grupit 'Los Pachenca', që merret me trafik droge, emigrantësh dhe armësh.

Shqiptari nga Durrësi ishte vënë në shënjestër nga Interpoli që në fund të vitit 2020, kur morën informacione se një trafikant droge kishte mbërritur në gjirin verior të Kolumbisë.

Ai kishte mundur t’u shpëtonte disa herë prangave, duke përdorur strategjinë e ndërrimit të vendbanimit pothuajse çdo muaj.

Por pas shumë muajsh kërkime, 45-vjeçari është pikasur dhe vënë në pranga në një apartament në Barranqiulla./ B.A. – CNA.al

Lajmet e fundit nga