web counter
LEXO PA REKLAMA!

SHKARKO APP

App Store
Google Play

“Tempulli” fundos tre të rinj në Shkodër, shpërndanin kokainë

18 Nëntor 2023, 10:46, Kronika CNA

 

“Tempulli” fundos tre të rinj në Shkodër,
Operacioni në Shkodër

 

 

Tre persona të tjerë janë arrestuar pasi tregtonin kokainë në Shkodër.

Tre të rinjtë Sh. E., 21 vjeç, S. Q., 20 vjeç dhe  K. S., 17  vjeç, të tre banues në Shkodër, janë arrestuar në flagrancë në vijim të aksionit “Tempulli”, teksa në automjetin me të cilin udhëtonin u janë gjendur disa doza të lëndës narkotike kokainë.

Policia e Shkodrës ka njoftuar se bashkë me tre të arrestuarit është shpalklur në kërkim edhe një person tjetër Xh. C., 21 vjeç, i cili dyshohet se ndihmonte të rinjtë që të shisnin lëndën narkotike.

“Në kuadër të megaoperacionit policor mbarëkombëtar antidrogë, të koduar “Tempulli”, specialistët e Seksionit për Hetimin e Narkotikëve të Drejtorisë Vendore të Policisë Shkodër kanë vijuar punën në terren, të mbështetur nga inteligjenca policore, për goditjen e rasteve të prodhimit dhe të shitjes së lëndëve narkotike, në ambiente të ndryshme. Bazuar në informacionet e marra në rrugë operative se disa shtetas shpërndanin lëndë narkotike, në qytetin e Shkodrës, shërbimet e Policisë kanë lokalizuar dhe ndaluar automjetin e dyshuar tip “Renault” në të cilin ishin 3 shtetas. Gjatë kontrollit fizik ndaj tyre dhe kontrollit në automjet, shërbimet e Policisë kanë gjetur doza të lëndës së dyshuar narkotike kokainë, të gatshme për shitje, të cilat u sekuestruan në cilësinë e provës materiale”- thuhet në njoftimin e policisë.

Aksioni “Tempull” vijon prej disa javësh në të gjithë vendin ndërsa numri i të arrestuarve nën akuzën për prodhimin dhe shitjen e lëndëve narkotike ka kaluar mbi 100./CNA

 
 
 
 
 
View this post on Instagram
 
 
 
 
 
 
 
 
 
 
 

A post shared by Policia e Shtetit Shqiptar (@policiaeshtetitshqiptar)

 





Lajmet e fundit nga