web counter
LEXO PA REKLAMA!

SHKARKO APP

App Store
Google Play

E fundit!

x

GJKKO lë në burg Behar Bajrin/ 7 akuzat që rëndojnë mbi anëtarin e grupit kriminal

17 Nëntor 2023, 15:33, Kronika CNA
GJKKO lë në burg Behar Bajrin/ 7 akuzat që rëndojnë mbi
Behar Bajri

Behar Bajri, një nga anëtarët e grupit kriminal të Bajrajve, ka dalë sot para Gjykatës për t’u njohur me masën e sigurisë.

Gjykata e Posaçme ka lënë në burg Bajrin. Kjo masë i ishte caktuar edhe në mungesë dhe u la në fuqi sërish sot.

Behar Bajri u ekstradua ditën e djeshme nga Franca drejt Shqipërisë ndërsa akuzohet për një sërë veprash penale të kryera në vendin tonë.

Ai u ndalua nga autoritetet franceze dhe më pas autoritetet shqiptare ndoqën procedurat për të plotësuar kërkesën për ekstradimin e tij.

Konkretisht ndaj tij rëndojnë 7 akuza për veprat penale: “Vrasja me paramendim”, kryer në formë të veçantë të bashkëpunimit, atë të grupit të strukturuar kriminal, “Mbajtja pa leje dhe prodhimi i armëve, armëve shpërthyese dhe municionit”, “Grupi i strukturuar kriminal”, “Kryerja e veprave penale nga organizata kriminale ose grupi i strukturuar kriminal”, “Sigurimi i kushteve dhe i mjeteve materiale për të kryer vrasje”, kryer në formë të veçantë të bashkëpunimit, atë të grupit të strukturuar kriminal, “Pjesëmarrja në grup të strukturuar kriminal” dhe “Korrupsioni aktiv i gjyqtarit, prokurorit dhe i funksionarëve të tjerë të drejtësisë, kryer në bashkëpunim”. / CNA





Lajmet e fundit nga