web counter
LEXO PA REKLAMA!

SHKARKO APP

App Store
Google Play

E fundit!

x

Të shpallur në kërkim për vepra të ndryshme penale/ Arrestohen 6 persona

6 Mars 2026, 09:30, Kronika CNA

Të shpallur në kërkim për vepra të ndryshme penale/

Policia e Tiranës ka finalizuar operacionin policor të koduar “Catch 6”, në kuadër të të cilit janë kapur dhe arrestuar 6 shtetas të shpallur në kërkim për vepra të ndryshme penale.

Sipas njoftimit zyrtar, strukturat e Drejtorisë Vendore të Policisë Tiranë, pas kontrolleve në terren dhe informacioneve të siguruara në rrugë operative, arritën të lokalizojnë dhe të vënë në pranga personat e kërkuar nga drejtësia.

Specialistët për Hetimin e Narkotikëve, në bashkëpunim me Seksionin për Kërkimin, arrestuan shtetasin K. M., 32 vjeç. Ai ishte dënuar nga Gjykata e Apelit me 3 vite e 4 muaj burg për veprën penale “Prodhimi dhe shitja e narkotikëve”, ndërsa i kishin mbetur për të vuajtur edhe 1 vit, 9 muaj e 20 ditë burgim.

Ndërkohë, specialistët për Hetimin e Krimeve në Komisariatin e Policisë Nr. 4 ndaluan shtetasin M. N., 25 vjeç, i dënuar me 3 vite e 4 muaj burg për veprën penale “Mbajtja pa leje dhe prodhimi i armëve, armëve shpërthyese dhe i municionit”.

Po nga Komisariati Nr. 4, në bashkëpunim me Seksionin për Kërkimin, u arrestua edhe shtetasi E. K., 24 vjeç, i dënuar me 10 muaj e 20 ditë burg për veprën penale “Përndjekja”.

Nga ana tjetër, specialistët e Komisariatit të Policisë Nr. 7 ndaluan shtetasin L. H., 43 vjeç, i dënuar me 2 muaj burg për veprën penale “Vjedhja”, e mbetur në tentativë, si dhe shtetasin Xh. A., 35 vjeç, i shpallur në kërkim për “Vjedhje” të kryer në bashkëpunim.

Gjithashtu, specialistët e Komisariatit të Policisë Nr. 5 kapën shtetasin G. K., 22 vjeç, i kërkuar për veprat penale “Vjedhja”, e mbetur në tentativë dhe “Shkatërrimi i rrjetit elektrik”. Ky shtetas iu dorëzua Drejtorisë Vendore të Policisë Dibër për veprime të mëtejshme procedurale.

Materialet procedurale janë referuar në Prokurori për vijimin e veprimeve ligjore./ CNA





Lajmet e fundit nga