web counter
LEXO PA REKLAMA!

SHKARKO APP

App Store
Google Play

Falsifikim dhe shpërdorim detyre/ Ekzekutohen 5 masa sigurie, mes tyre edhe zyrtarë të Kadastrës

5 Mars 2026, 09:59, Kronika CNA

Falsifikim dhe shpërdorim detyre/ Ekzekutohen 5 masa sigurie, mes tyre edhe

Policia e Tiranës ka finalizuar operacionin e koduar “Kontrata”, në kuadër të hetimeve për falsifikim dokumentesh dhe shpërdorim detyre, duke ekzekutuar masat e sigurisë ndaj 5 shtetasve.

Sipas njoftimit zyrtar, specialistët për Hetimin e Krimeve Ekonomiko-Financiare, në bashkëpunim me Prokurorinë e Tiranës, kanë zbatuar vendimin e Gjykatës së Tiranës të datës 3 mars 2026.

Në kuadër të këtij operacioni:

-Është vendosur masa “Arrest në burg” për shtetasin D. B., 45 vjeç, i dyshuar për veprën penale “Falsifikimi i dokumenteve”.

-Është vendosur masa “Arrest në shtëpi” për shtetasin I. Ç., 59 vjeç, për të njëjtën vepër penale.

Ndërsa për shtetasit B. S., 49 vjeç, F. Z., 35 vjeç dhe Th. L., 41 vjeç, punonjës në Agjencinë Shtetërore të Kadastrës, është caktuar masa “Pezullimi i ushtrimit të një detyre a shërbimi publik”, për veprën penale “Shpërdorimi i detyrës”, kryer në bashkëpunim.

Nga hetimet dyshohet se shtetasit D. B. dhe I. Ç., në bashkëpunim me tre punonjësit e Kadastrës, kanë përfituar në mënyrë të paligjshme një sipërfaqe toke prej 2350 m² në fshatin Mëzez, e cila rezultonte në pronësi të një shtetasi tjetër, përmes falsifikimit të dokumenteve.

Gjykata ka vendosur gjithashtu sekuestro preventive mbi këtë pronë, deri në përfundim të hetimeve./ CNA





Lajmet e fundit nga