web counter
LEXO PA REKLAMA!

SHKARKO APP

App Store
Google Play

E fundit!

x

Një punëtor u plagos në vendin e punës/ Tre të arrestuar, në kërkim drejtori i Shërbimeve Komunitare në Gjirokastër

4 Mars 2026, 12:13, Kronika CNA

Një punëtor u plagos në vendin e punës/ Tre të

Tre përgjegjës në Sektorin e Mirëmbajtjes në Drejtorinë e Shërbimeve Komunitare në Gjirokastër janë arrestuar, pasi një punonjës u plagos në vendin e punës. Tre të arrestuarit dyshohen për veprën penale “Shkelja e rregullave të mbrojtjes në punë”.

Ndërkohë është shpallur në kërkim drejtori i Shërbimeve Komunitare, pasi nuk është paraqitur të japë shpjegime dhe të vërë në dispozicion dokumentacionin e nevojshëm për hetimin e plotë të rastit. Lidhur me ngjarjen është njoftuar edhe Inspektorati i Punës.

Njoftimi i policisë:

Specialistët për Hetimin e Krimeve të Komisariati i Policisë Gjirokastër arrestuan në flagrancë shtetasit P. Ç., 46 vjeç, A. B., 61 vjeç dhe A. L., 58 vjeç, të tre banues në Gjirokastër, me detyrë "Përgjegjës" në Sektorin e Mirëmbajtjes në Drejtorinë e Shërbimeve Komunitare, Gjirokastër, të dyshuar për veprën penale “Shkelja e rregullave të mbrojtjes në punë”.

Veprimet procedurale u kryen pasi më datë 03.03.2026, rreth orës 13:30, në lagjen “Zinxhira”, gjatë punës për pastrimin e një objekti, një punonjës 55 vjeç, dyshohet se ka rënë aksidentalisht nga kati i dytë i objektit, dhe aktualisht është në kujdesin e mjekëve.

Më tej, në lidhje me këtë rast është shpallur në kërkim Drejtori i Drejtorisë së Shërbimeve Komunitare, Gjirokastër, i dyshuar për veprën penale “Shpërdorimi i detyrës”, shtetasi A. O., 54 vjeç, banues në Gjirokastër, pasi nuk është paraqitur të jap shpjegime dhe të vërë në dispozicion dokumentacionin e nevojshëm për hetimin e plotë të këtij rasti.

Gjithashtu, në lidhje me rastin është njoftuar Inspektoritati i Punës.

Vijon puna për dokumentimin e plotë të përgjegjësive të shtetasve të dyshuar për këtë ngjarje. /CNA





Lajmet e fundit nga