Statistikat alarmante/ Rritet numri i aksidenteve të shkaktuara nga këmbësorët

7 Maj 2023, 20:07, Kronika CNA

Statistikat alarmante/ Rritet numri i aksidenteve të shkaktuara nga

Foto ilustruese

Drejtoria e Përgjithshme e Shërbimeve të Transportit Rrugor ka publikuar statistikat e aksidenteve rrugore për periudhën Janar-Mars 2023.

DPSHTRR njofton se ka një ulje minimale të fataliteteve nga aksidentet krahasuar me të njejtën periudhë të vitit 2018.

Por ajo që është shqetësuese është rritja e aksidenteve të shkaktuara nga sjellja e gabuar e këmbësorëve.

Sipas statistikave, në periudhën Janar-Mars 2023 ka pasur 46% më shumë aksidente të shkaktuara nga këmbësorët, krahasuar me të njëjtën periudhë në vitin 2022.

Statistikat alarmante/ Rritet numri i aksidenteve të shkaktuara nga

Deklarata e plotë:

Të drejtosh një mjet është përgjegjësi shumë e madhe, për veten dhe të tjerët, po aq sa është e rëndësishme sjellja korrekte e pasagjerit, e këmbësorit dhe e pedaluesit në rrugë

Ndërsa statistikat Janar-Mars 2023 flasin qartë për ulje të aksidenteve rrugore krahasuar me të njëjtën periudhë të vitit 2018, vihet re një ulje minimale e fataliteteve, si edhe një rritje e aksidenteve shkaktuar nga sjellja e gabuar e këmbësorëve!

263 aksidente rrugore gjatë periudhës Janar-Mars 2023, 29% më pak krahasuar me 2018!

35% më pak aksidente rrugore nga drejtuesit e mjeteve nën 25 vjeç, çka flet pozitivisht për të sapopatentuarit, krahasuar me të njëjtën periudhë të vitit 2018!

Statistikat alarmante/ Rritet numri i aksidenteve të shkaktuara nga

28% e totalit të aksidenteve Janar-Mars 2023, janë shkaktuar nga grupmosha 25-34 vjeç, 27% më pak se në Janar-Mars 2018!

19% e totalit të aksidenteve rrugore janë shkaktuar nga këmbësorët, 46% më shumë krahasuar me të njëjtën periudhë me 2022.

20% e totalit të viktimave nga aksidentet rrugore shkaktuar nga sjellja e këmbësorit, 82% më shumë krahasuar me 2022.

Mosrespektimi i semaforëve, i vijave të bardha, i korsive të pedalimit apo përdorimi i pajisjeve të ndaluara në trafik, moskujdesi për veten dhe për pasojat mbi përdoruesit e tjerë të rrugës, janë shqetësim i përditshëm

Ndaj duhet kujdes dhe përgjegjshmëri nga të gjithë përdoruesit e rrugës për NDËRGJEGJËSIM, reagim, veprim e shpëtim jetësh!/ CNA.al