web counter
LEXO PA REKLAMA!

SHKARKO APP

App Store
Google Play

Ushtroi dhunë dhe kërcënoi me armë prindërit/ Shpallet në kërkim 34-vjeçari në Elbasan

5 Maj 2023, 18:13, Kronika CNA

Ushtroi dhunë dhe kërcënoi me armë prindërit/ Shpallet

Një ngjarje e rëndë ka ndodhur në Elbasan ku një 34-vjeçar ka dhunuar dhe ka kanosur me armë prindërit e tij.

Policia sekuestron 1 armë zjarri kallashnikov, 2 pako me dinamit dhe municion luftarak, që dyshohet se i posedonte 34-vjeçari.

Blutë kanë njoftuar se shtetasi D. G. është shpallur në kërkim.

"Ndërhyrja në kohë e shërbimeve të Policisë parandalon një ngjarje të mundshme kriminale në familje.

Ushtroi dhunë ndaj prindërve të tij dhe i kanosi ata për jetën, shpallet në kërkim 34 vjeçari.

Policia sekuestron 1 armë zjarri kallashnikov, 2 pako me dinamit dhe municion luftarak, që dyshohet se i posedonte 34-vjeçari.

Shërbimet e Policisë, pas njoftimit se një shtetas kishte dhunuar dhe kanosur për jetën familjarët e tij, kanë organizuar menjëherë punën dhe kanë shkuar në banesën e kësaj familjeje, në fshatin Shushicë.

Shtetasi D. G. që kishte dhunuar dhe kanosur për jetën, prindërit e tij, sapo ka konstatuar mbërritjen e shërbimeve të Policisë, ka dalë nga banesa dhe ka mundur të largohet në një terren të vështirë malor, në fshat.

Shërbimet e Policisë po vijojnë kontrollet për kapjen e shtetasit D. G.

Gjatë kontrollit në banesë, janë gjetur dhe sekuestruar: 

1 armë zjarri, 2 pako me lëndë të dyshuar plasëse dinamit, 1 kapsolle detonatore dhe municion luftarak.

Vijon puna për kapjen e 34 vjeçarit.

Materialet do t’i kalojnë Prokurorisë, për veprime të mëtejshme", shkruhet në njoftimin e policisë./CNA.al

 

 

 

 





Lajmet e fundit nga