web counter
LEXO PA REKLAMA!

SHKARKO APP

App Store
Google Play

E fundit!

x

Shqipëria “parajsë” droge/ Kush ishin qytetet kyçe të përpunimit dhe prodhimit të narkotikës

31 Dhjetor 2022, 19:00, Kronika CNA
Shqipëria “parajsë” droge/ Kush ishin qytetet kyçe
Fotomontazh

Gjatë vitit 2022, në Shqipëri janë zbuluar disa sera me drogë dhe një laborator kokaine.

Operacionet në të cilat është kapur më shumë drogë në sera e laboratore janë ai i Bulqizës, Thumanës, Fierit dhe Beratit.

10 serat në Thumanë

Operacioni i parë është ai "Thumana", që u zhvillua më 7 prill, nga ku dhe u zbuluan 10 sera me drogë, në të cilat ishin kultivuar 925 fidanë të dyshuar narkotikë cannabis sativa.

Për serat u arrestuan Klisman Lika, 32 vjeç nga fshati Gjorm i Kurbinit që u gjet duke punuar në sera dhe Qemal Ferhati, 68 vjeç nga fshati Shkozë-Bardhë.

I biri i këtij të fundit, Ardit Ferhati, 36 vjeç, banues në të njëjtin fshat, nuk u gjet në shtëpi dhe u shpall në kërkim.

Gjatë kontrollit në banesën e Ferhatit u gjet edhe një qese plastmasi me fara të dyshuara si ato cannabis sativa, si dhe u konstatua lidhje e paligjshme e energjisë elektrike.

Në përfundim të veprimeve, u asgjësuan me djegie fidanët e drogës dhe u sekuestruan një armë gjahu dhe farat, raporton CNA.al.

Sera në Bulqizë

Më 30 maj u zbulua një serë në Bulqizë, në vendin e quajtur ‘Shkëmbi i Muçës’ të njësisë adiministrative të Martaneshit.

Në këtë serë ishin kultivuar 324 fidanë të dyshuara bimë narkotike canabis sativa dhe për këtë u proceduan penalisht në gjendje të lirë kryeplaku i fshatit Ballenjë me iniciale M.M. 61 vjeç dhe specialisti-roje mjedisi me iniciale N.D., 63 vjeç. Ata u akuzuan se kanë konsumuar elementët e veprës penale “Shpërdorim Detyre”.

Serat në Berat

Një tjetër operacion u zhvillua në datën 10 dhjetor. Katër sera, me sipërfaqe nga 2 hektar secila ishin kthyer në kapanon droge në Berat.

Gjatë operacionit të koduar “Stuhia”, policia gjeti dhe sekuestroi brenda serave 8 thasë me boçe kanabisi me peshë 871 kilogramë dhe 700 arka të mbushura me kanabis në proces tharjeje.

Agjencia e Mbikëqyrjes Policore ka nisur hetimet ndaj disa efektivëve, ndërsa u shkarkua nga detyra rejtori i Policisë së Beratit, Etmond Tarkaj.

Laboratori në Fier

Një operacion i SPAK në bashkëpunim me DEA-n Amerikane dhe policinë malazeze u njoftua më 24 nëntor. Nga ky operacion u sekuestruan 430 kilogramë kokainë, që nëse do të dilte në treg do të kushtonte 40 milionë euro.

Kokaina kishte mbërritur nga vendet e Amerikës Latine dhe ishte zbuluar në Portin e Tivarit në Malin e Zi në korrik të këtij viti dhe ishte mbajtur nën vëzhgim deri në nëntor, kur kishte mbërritur në një laborator kokaine në fshatin Frakull i Madh të Fierit. Kokaina ishte e fshehur në pleh kimik dhe pritej që të ndahej në laboratorin e Fierit.

Për këtë operacion u vunë në pranga 10 persona të akuzuar për “grup të strukturuar kriminal”, e ndërsa një tjetër është në kërkim. Personat e arrestuar për këtë ngjarje janë Viktor Çervanaku, Zenel Çervanaku, Denilson Cervenaku, Enxhi Genci, Nikolin Gjolena, Klajdi Vrioni, Julian Malaj, Redion Meshi, Bledar Matoshi dhe Marildo Rona.

Ndërkohë, droga dyshohet se u porosit nga vëllai i ish-kryekomunarit të Frakullës, Viktor Çervanaku./ B.A. - CNA.al





Lajmet e fundit nga