E fundit!

14:17 Aktualitet

Vjedhje e majme në filial/ Shkarkohet drejtoresha e Postës Shqiptare në Durrës

Këtë të martë është shkarkuar nga detyra drejtoresha e fil...

Kanosnin me thika qytetarët/ Policia "shpërbën" bandën e të miturve

30 Dhjetor 2022, 14:17, Kronika CNA

Kanosnin me thika qytetarët/ Policia "shpërbën"

Policia ka arrestuar dy 17-vjeçarë si dhe ka proceduar penalisht 1 të mitur 14 vjeç, pasi ata akuzohen se kanosnin qytetarët në rrugë me qëllim grabitjen.

Shtetasi A.L 17 vjeç është kapur nga policia, ndërkohë për 17-vjeçarin tjetër të identifikuar me inicialet O.M. ka nisur kërkimi.

Njoftimi:

Tiranë/Vijon operacioni policor i koduar “Saga”, nga Komisariati i Policisë Nr. 3.

Arrestohet në flagrancë 1 shtetas, procedohen penalisht 2 të tjerë. Shpallet në kërkim bashkëpunëtori i tyre.
Këta shtetas iu kanë vjedhur shuma parash dhe sende personale, 3 shtetasve, duke i kanosur ata me mjete prerëse.
Sekuestrohen sende personale, të dyshuara të vjedhura.

Disa ditë më parë, shërbimet e Komisariatit të Policisë Nr. 3, bazuar në inteligjencën informative, në kuadër të këtij operacioni, kanë vënë në pranga 2 shtetas, si dhe ka nisur procedimi penal për 1 tjetër.
Specialistët për Hetimin e Krimeve të Komisariatit të Policisë Nr. 3, Tiranë, në vijim të operacionit policor të koduar “Saga”, kanë zhvilluar hetime për dokumentimin e rasteve të vjedhjeve të ndodhura në juridiksionin e këtij Komisariati.
Si rezultat i këtij operacioni, u arrestua në flagrancë shtetasi A. L., 17 vjeç, si dhe u referuan materialet në Prokurori dhe nisi procedimi në gjendje të lirë për dy shtetas 14 vjeç. Gjithashtu, u shpall në kërkim bashkëpunëtori i tyre, shtetasi O. M., 17 vjeç.
Këta shtetas, gjatë ditëve të fundit, iu kanë vjedhur shuma parash dhe sende personale, 3 shtetasve, duke i kanosur ata me mjete prerëse.
Në cilësinë e provës materiale, u sekuestruan sende personale, të dyshuara të vjedhura.
Materialet procedurale i kaluan Prokurorisë pranë Gjykatës së Rrethit Gjyqësor Tiranë, për veprime të mëtejshme.