web counter
LEXO PA REKLAMA!

SHKARKO APP

App Store
Google Play

E fundit!

x

Shpërndante drogë 'cepave' të Elbasanit, në kërkim prej 1 viti/ 46-vjeçarin e gjen Viti i Ri në burg

1 Janar 2023, 11:04, Kronika CNA
Shpërndante drogë 'cepave' të Elbasanit, në
Foto Ilustruese

Policia ka arrestuar një 46-vjeçar, i cili akuzohet për trafikim të lëndëve narkotike.

Bëhet fjalë për shtetasin Neritan Bora. 

Në 2021 ai ishte dënuar nga policia me 5 vite burg.

Njoftimi:

Elbasan/Kontrolle të shtuara, mbështetur dhe nga inteligjenca informative, për kapjen e shtetasve në kërkim.

Kapet dhe vihet në pranga 46-vjeçari i shpallur në kërkim për prodhim dhe shitje narkotikësh.

Shërbimet e Komisariatit të Policisë Gramsh, në bashkëpunim me Seksionin për Hetimin e Narkotikëve të DVP Elbasan, të mbështetura nga inteligjenca informative, mbi vendndodhjen e një shtetasi të kërkuar, menjëherë kanë organizuar punën, kanë lokalizuar, kapur dhe vënë në pranga shtetasin e shpallur në kërkim:

Neritan Bora, 46 vjeç, banues në fshatin Mashan, Gramsh.

Gjykata e Rrethit Gjyqësor Elbasan, me vendimin e datës 14.12.2021, e ka dënuar këtë shtetas, me 5 vjet burgim, për veprën penale "Prodhimi dhe shitja e narkotikëve", e kryer në bashkëpunim, nga të cilat i kanë mbetur për të vuajtur edhe 2 vjet e 3 muaj.

Ky shtetas, gjatë vitit 2021, ka ushtruar aktivitetin kriminal të shpërndarjes së lëndëve narkotike, në qytetin e Elbasanit.

Materialet procedurale i kaluan Prokurorisë pranë Gjykatës së Rrethit Gjyqësor Elbasan, për veprime të mëtejshme./CNA.al





Lajmet e fundit nga