web counter
LEXO PA REKLAMA!

SHKARKO APP

App Store
Google Play

E fundit!

x

Shpërndanin doza kokaine dhe heroine në kryeqytet/ Pranga dy të rinjve

28 Nëntor 2025, 09:02, Kronika CNA

Shpërndanin doza kokaine dhe heroine në kryeqytet/ Pranga dy të

Policia e Tiranës ka goditur një rast të shitjes së drogave të forta.

Si rezultat ka arrestuar dy persoma. Në pranga kanë rënë K. P. dhe H. S., të cilët lëviznin me një automjet të tipit BMW.

Gjatë kontrollit në automjetin me të cilin lëviznin këta dy shtetas, efektivët gjetën dhe sekuestruan doza heroine dhe kokaine.

Gjithashtu u sekuestruan aparate celulare dhe automjeti me të cilin lëviznin dy të arrestuarit.

 

Njoftimi i policisë

 

Finalizohet operacioni policor i koduar “Night”, gjatë të cilit u godit një rast i shitjes së drogave të forta.

Lëviznin me një automjet tip “BMË”, me qëllim shpërndarjen e lëndëve narkotike heroinë dhe kokainë, arrestohen në flagrancë dy shtetas.

Sekuestrohen lëndët narkotike, 5 aparate celularë dhe automjeti i përdorur në veprimtarinë kriminale.

Në vijim të operacioneve të njëpasnjëshme kundër narkotikëve, të zhvilluara si rezultat i kontrolleve të intensifikuara dhe administrimit të menjëhershëm të informacioneve të siguruara nga inteligjenca policore, Forca e Posaçme “Shqiponja” në bashkëpunim me Seksionin për Hetimin e Narkotikëve finalizuan operacionin policor të koduar “Night”, gjatë të cilit u godit një tjetër rast i shitjes së drogave të forta.

Shërbimet e Forcës së Posaçme “Shqiponja” ndaluan në rrugën “Mine Peza”, automjetin tip “BMË”, me drejtues shtetasin K. P. dhe pasagjer shtetasin H. S.

Gjatë kontrollit fizik, shtetasit K. P. iu gjetën doza heroine dhe kokaine, ndërsa shtetasit H. S. iu gjetën doza kokaine.

Në përfundim të veprimeve procedurale u vunë në pranga shtetasit K. P., 21 vjeç, dhe H. S., 27 vjeç, për veprën penale “Prodhimi dhe shitja e narkotikëve”.

Materialet procedurale iu referuan Prokurorisë së Tiranës, për veprime të mëtejshme./CNA





Lajmet e fundit nga