web counter
LEXO PA REKLAMA!

SHKARKO APP

App Store
Google Play

E fundit!

x

Sekuestrohen 5 kg drogë me vlerë 90 mijë euro/ Kapen trafikantët, e transportonin nga SHBA përmes postës

14 Janar 2024, 09:59, Kronika CNA
Sekuestrohen 5 kg drogë me vlerë 90 mijë euro/ Kapen
Foto ilustruese

Policia ka finalizuar operacionin e koduar "Çikago", nga i cili janë vënë në pranga shtetasi G. D., 23 vjeç dhe një i mitur, 16 vjeç. 

Ndërsa është shpallur në kërkim shtetasi S.K., 23 vjeç.

Ky grup trafikonte lëndë narkotike nga SHBA-ja në Tiranë përmes postës.

Nga operacioni janë sekuestruar 5 kg kanabis sativa, me përqindje të lartë THC, me vlerë 90 000, euro n.q.s. do të shitej te përdoruesit, e ndarë në pako, 5 aparate celulare, 8000 euro, dhe shuma të tjera parash.

"Finalizohet pas një pune hetimore disa mujore, operacioni policor i koduar 'Çikago'.

Operacioni u zhvillua nga Seksioni për Hetimin e Narkotikëve, në bashkëpunim me Drejtorinë e Hetimit Doganor në Drejtorinë e Përgjithshme të Doganave, në drejtimin e Prokurorisë së Juridiksionit të Përgjithshëm Tiranë.

Trafikonin lëndë narkotike canabis sattiva, nga ShBA, në vendin tonë, duke përdorur shërbimin postar, vihen në pranga dy shtetas dhe shpallet në kërkim bashkëpunëtori i tyre.

Sekuestrohen 5 kg cannabis sativa, me përqindje të lartë THC, me vlerë 90 000, euro nqs do të shitej te përdoruesit, e ndarë në pako, 5 aparate celulare, 8000 euro, dhe shuma të tjera parash.

Specialistët për Hetimin e Narkotikëve, në bashkëpunim me Drejtorinë e Hetimit Doganor në Drejtorinë e Përgjithshme të Doganave, në drejtimin e Prokurorisë së Juridiksionit të Përgjithshëm Tiranë, pas një pune hetimore disamujore, kanë finalizuar operacionin policor të koduar 'Çikago'.

Si rezultat u godit një grup që trafikonte lëndë narkotike, nga ShBA në Shqipëri, me anë të shërbimit postar, dhe u vu në pranga shtetasi G. D., 23 vjeç, dhe një 16-vjeçar. Gjithashtu u shpall në kërkim shtetasi S. K., 23 vjeç.

Tre shtetasit, në bashkëpunim me njëri-tjetrin, trafikonin lëndë narkotike me përqindje të lartë THC, nga ShBA në Shqipëri, me anë të shërbimit postar.

Në cilësi e provës materiale u sekuestruan 5 kg cannabis sativa me përqindje të lartë THC, me vlerë 90 000 euro nqs do të shitej te përdoruesit, 5 aparate celulare, 8000 euro dhe shuma të tjera parash", njofton policia./ CNA





Lajmet e fundit nga