web counter
LEXO PA REKLAMA!

SHKARKO APP

App Store
Google Play

Sekuestrohet "BMW" e vjedhur në Gjermani/ Në kërkim 42-vjeçari i dyshuar për trafikim

7 Janar 2026, 13:44, Kronika CNA

Sekuestrohet "BMW" e vjedhur në Gjermani/ Në kërkim

Një shtetas 42-vjeçar është shpallur në kërkim, si rezultat i një operacioni të gjerë policor të koduar “Stolen line”, kundër trafikimit në Shqipëri të automjeteve luksoze të vjedhura jashtë shtetit.

Po ashtu u procedua penalisht blerësi i automjetit të trafikuar, njëkohësisht drejtues i tij, në momentin e ndalimit në Vorë.

Ndërkohë u sekuestrua një automjet tip “BMW M-8”, me vlerë rreth 140 000 euro, i dyshuar i vjedhur në Gjermani.

Njoftimi:

Si rezultat i punës hetimore, të kryer në kuadër të operacionit “Stolen line”, me objektiv goditjen e rasteve të trafikimit në Shqipëri, të automjeteve luksoze, të vjedhura jashtë shtetit, specialistët e Seksionit për Hetimin e Trafiqeve të Paligjshme konstatuan një tjetër rast në këtë fushë.

Në vijim të veprimeve procedurale u sekuestrua 1 automjet tip “BMW M-8”, me vlerë rreth 140 000 euro, i cili nga verifikimet rezultoi i vjedhur në Gjermani.

Në lidhje me këtë rast u identifikua dhe u shpall në kërkim shtetasi që dyshohet se ka sjellë automjetin në Shqipëri, me qëllim shitjen, F. H., 42 vjeç (shtetas kosovar), si dhe u procedua penalisht blerësi i automjetit (njëkohësisht drejtues i automjetit, në momentin e ndalimit), shtetasi E. D., 39 vjeç.

Punohet për kapjen e 42-vjeçarit.

Materialet procedurale iu referuan Prokurorisë së Tiranë, për veprime të mëtejshme, për veprën penale “Trafikimi i mjeteve motorike”./CNA

 





Lajmet e fundit nga