web counter
LEXO PA REKLAMA!

SHKARKO APP

App Store
Google Play

Qarkullonin me pistoletë në makinë/ Prangosen tre persona, çfarë u gjet tjetër gjatë kontrollit

26 Shkurt 2023, 13:23, Kronika CNA
Qarkullonin me pistoletë në makinë/ Prangosen tre persona,
Foto ilustruese

Shërbimet e Forcës së Posaçme "Shqiponja", në bashkëpunim me ato të Komisariatit të Policisë Nr. 3, në vijim të punës për evidentimin dhe goditjen e rasteve të armëmbajtjes pa leje, bazuar dhe në informacionet e siguruara nga inteligjenca informative, kanë organizuar dhe finalizuar operacionin policor të koduar “Almak”. 

Si rezultat i këtij operacioni u bë arrestimi i shtetasve: K. Y., 35 vjeç, E. M., 41 vjeç, dhe A. N., 32 vjeç, të tre banues në Tiranë.

Gjatë operacionit, në rrugën “Muzakët”, shërbimet e Policisë kanë lokalizuar dhe ndaluar automjetin me drejtues shtetasin A. N., dhe pasagjerë shtetasit K. Y., dhe E. M. Në momentin e ndalimit, shtetasi E. M., ka kanosur punonjësit e Policisë. Gjatë kontrollit fizik të shtetasit K. Y., shërbimet e Policisë i kanë gjetur një armë zjarri pistoletë dhe municion luftarak, për të cilën drejtuesi i automjetit, shtetasi A. N., ka dhënë deklaratë të rreme, se arma ishte e tij. 

Në cilësinë e provës materiale u sekuestrua arma e zjarrit pistoletë me krehër me 6 fishekë, një automjet, dhe dy mjete të forta (çekiçë), të gjetura gjatë kontrollit të automjetit.

 





Lajmet e fundit nga