web counter
LEXO PA REKLAMA!

SHKARKO APP

App Store
Google Play

Minorenet zihen me shqelma/ Reagon shkolla “Kongresi i Manastirit”: Sherri nuk ndodhi te ne

24 Shkurt 2023, 18:58, Kronika CNA

Minorenet zihen me shqelma/ Reagon shkolla “Kongresi i Manastirit”:

Një video sherri mes disa vajzave ka bërë xhiron e rrjetit ditën e sotme, pasi nxënëset minorene të shkollës 9-vjeçare “Kongresi i Manastirit” janë përplasur fizikisht

Lidhur me këtë ngjarje kanë reaguar drejtuesit e shkollës, të cilët thonë se sherri mes vajzave nuk ka ndodhur në mjediset e shkollës, por rreth një kilometër larg.

Ata deklarojnë se janë vënë menjëherë në lëvizje dhe i kanë kërkuar policisë që ta hetojë dhe të marrë masa për ngjarjen.

“Sot në orën 14:45 nga rrjetet sociale jemi vënë në dijeni të një ngjarjeje të rëndë, e cila demonstrohet nëpërmjet një videoje, ku disa vajza dhunojnë njëra-tjetrën.

Në përshkrimin e lajmit të dalë në disa media thuhet se kjo ngjarje ka ndodhur në mjediset e shkollës sonë, “Kongresi i Manastirit”.

Sipas informacioneve që siguruam nga prindërit e vajzave, ngjarja ka ndodhur në datën 15 shkurt 2023 në orën 14:00 në vendin e quajtur “Pallati Dilo” rreth një kilometër larg shkollës sonë. Pra theksojmë se kjo ngjarje nuk ka ndodhur në ambientet e shkollës sonë.

Pavarësisht këtij fakti, shkolla u vu menjëherë në lëvizje dhe u bë verifikimi i menjëhershëm i ngjarjes së ndodhur dhe ka kërkuar nga policia e shtetit që ta hetojë dhe të marrë masa për atë që ka ndodhur.

Asnjëra nga vajzat nuk e kanë raportuar askund ngjarjen, as tek prindërit  e tyre, megjithatë shkolla jonë ka vënë në dijeni prindërit janë nga strukturat e shkollës dhe ata janë paraqitur menjëherë në shkollë me fëmijët e tyre.

Vëmë në dukje se i gjithë stafi i shkollës sonë, mësuesit, shërbimi psiko-social, oficeri i sigurisë, inspektori i zonës, gjithnjë jemi shumë të ndjeshëm dhe të kujdesshëm për të tilla raste, kur bëhet fjalë për mirëqenien fizike dhe mendore të nxënësve tanë, e cila është një prioritet absolut i yni.

Sigurojmë të gjithë nxënësit dhe prindërit që shkolla jonë do të jetë gjithnjë mjaft e prerë në vendimet ndaj çfarëdo lloj ngjarjeje apo fenomeni negativ që konstatohet nga ana jonë në ambientet e shkollës sonë, dhe jo vetëm”, thuhet në reagim./ B.A. – CNA.al





Lajmet e fundit nga