web counter
LEXO PA REKLAMA!

SHKARKO APP

App Store
Google Play

Hyri të vidhte pula në Kuçovë/ Pronari bën për spital hajdutin

26 Shkurt 2023, 09:41, Kronika CNA
Hyri të vidhte pula në Kuçovë/ Pronari bën për
Foto ilustruese

Një ngjarje e rëndë ka ndodhur në qytetin e Kuçovës. Një person ka hyrë brenda një banese duke tentuar të vjedhë pulat, por është kapur nga pronari i shtëpisë, i cili e ka dhunuar.

Ngjarja ndodhi në lagjen “11 janari” pak pas mesnate pranë varrezave të qytetit. Mësohet se shtetasi L.B., është kapur mat nga i zoti i shtëpisë me një thes me pula që i kishte vjedhur në kotec, ndërsa më pas ka ndërhyrë djali i këtij të fundit, 20-vjeçari me inicialet B.Sh., i cili ka nisur ta dhunojë.

Mësohet se hajduti, që mendohet se ka qenë në gjendje të dehur, ka pësuar fraktura të forta në kokë.

Pas sinjalizimit të policisë nga pronari i banesës, në vendin e ngjarjes mbërriti dhe ambulanca, e cila e transportoi fillimisht hajdutin drejt spitalit të Kuçovës, ku pasi iu dha ndihma e parë u transportua drejt spitalit të Beratit dhe më pas në spitalin e Traumës në Tiranë, për ndihmë të specializuar pasi gjendja e tij ishte kritike.

 





Lajmet e fundit nga