web counter
LEXO PA REKLAMA!

SHKARKO APP

App Store
Google Play

E fundit!

x

Hodhi në përrua trupin e pajetë të shokut/ Dëshmia e autorit: E mbajta 10 ditë në shtëpi

25 Shkurt 2023, 12:29, Kronika CNA

Hodhi në përrua trupin e pajetë të shokut/ Dëshmia e

Gjykata e Tiranës caktoi masën e sigurisë “arrest me burg” për M.H., 47 vjeç, i akuzuar se nuk kallëzoi në polici vdekjen e shokut të tij E.T., 48 vjeç.

47-vjeçari akuzohet nga prokuroria për veprën penale të pengimit të zbulimit të së vërtetës. Në dëshminë e tij, ai ka deklaruar se të dy kanë konsumuar kokainë e heroinë në shtëpinë e tij në Laprakë, teksa më pas kanë rënë për të fjetur, por E.T., nuk u zgjua më nga gjumi.

47-vjeçari raportohet se e ka mbajtur trupin e viktimës për 10 ditë në shtëpi, e nga frika më pas e ka hedhur në përrua.

"Bashkë me ne ishte edhe një shoku i Eltonit. Pritëm njëri-tjetrin derisa dolëm nga komisariati dhe të tre bashkë shkuam në shtëpinë time në Laprakë pasi unë jetoj i vetëm. Gjatë rrugës blemë kokainë dhe heroinë nga një i njohuri im.

Eltoni injektoi shumë në trup dhe u bë keq. E solla në vete për një moment dhe më pas u shtrimë për të fjetur. Kur jam zgjuar të nesërmen shkoj te dhoma e gjumit ku pashë vetëm Eltonin duke fjetur akoma, ndërkohë që shoku i tij kishte shkruajtur një letër ku thoshte: "Siç duket Eltoni do flerë dhe ca. Unë po shkoj te familja ime meqë po më presin dhe pastaj do kthehem prap".

Më ka habitur që Bledari e kishte lënë Eltonin vetëm pasi ai e konsideronte si vëlla.

Unë kam dalë nga banesa kam takuar një shok. Kam blerë sërish drogë dhe kam shkuar në shtëpi. Pashë që Eltoni flinte dhe kam takuar një shokun tim dhe i kam thënë "kur do ikë ky se më ka zënë derën". Kam dalë sërish dhe kur kam shkuar në shtëpi kam parë që Eltoni nuk merrte frymë.

Për 10 ditë e mbajta në shtëpi trupin. Unë flija nga dhoma tjetër. Mbrëmjen e 12 shkurtit kam marrë me qira një makinë dhe trupin e Eltonit e çova në Bërxullë. Të nesërmen pashë lajmet që raportonin për gjetjen e tij dhe mendova se policia do e shohë që ka vdekur nga mbidoza dhe nuk do merren me mua. Kisha frikë të tregoja", ka deklaruar 47-vjeçari. 

48-vjeçari u gjend i pajetë në Bërxullë, vetëm një ditë pasi shoku i tij e hodhi pranë përroit të Limuthit pasi kishte frikë se mos fajësohej për vdekjen e tij./CNA.al





Lajmet e fundit nga