web counter
LEXO PA REKLAMA!

SHKARKO APP

App Store
Google Play

Posedonte pa leje dy kallashnikovë/ Vihet në pranga 43-vjeçari në Fier

22 Maj 2026, 11:32, Kronika CNA

Një 43-vjeçar është arrestuar në Fier në kuadër të finalizimit të operacionit “No Guns 2”. Në pranga është vënë shtetasi V.O.

Gjatë kontrolleve në banesën e tij u gjetën dhe sekuestruan 2 armë zjarri tip kallashnikov, si dhe municion luftarak, të cilat ai i posedonte pa leje.

43-vjeçari akuzohet për veprën penale “Mbajtja pa leje dhe prodhimi i armëve, armëve shpërthyese dhe municionit luftarak”.

Ndërkohë bëhet me dije se armët e zjarrit do të dërgohen në Institutin e Policisë Shkencore për të verifikuar nëse janë përdorur ose jo në ngjarje të mëparshme kriminale.

Njoftimi i policisë:

FIER

Finalizohet operacioni policor i koduar “No Guns 2”, për goditjen e armëmbajtjes pa leje.

Posedonte armë zjarri automatike, vihet në pranga 43-vjeçari.

Sekuestrohen 2 armë zjarri tip kallashnikov dhe municion luftarak.

Shërbimet e Komisariatit të Policisë Fier, në zbatim të planit të masave për kontrollin dhe kapjen e personave që qarkullojnë me armë zjarri ose i mbajnë ato pa leje në banesë, në bashkëpunim me shërbimet e Forcës së Posaçme “Shqiponja”, bazuar në informacionet e siguruara në rrugë operative, finalizuan operacionin policor të koduar “No Guns 2”.

Në kuadër të këtij operacioni u kap dhe u arrestua një shtetas 43 vjeçar, banues në fshatin Levan, Fier.

Gjatë kontrollit të ushtruar në banesën e këtij shtetasi, shërbimet e Policisë gjetën dhe sekuestruan 2 armë zjarri tip kallashnikov, si dhe municion luftarak, të cilat ai i posedonte pa leje.

Armët e zjarrit do të dërgohen në Institutin e Policisë Shkencore për të verifikuar nëse janë përdorur ose jo në ngjarje të mëparshme kriminale.

Materialet procedurale iu referuan Prokurorisë së Fierit, për veprën penale “Mbajtja pa leje dhe prodhimi i armëve, armëve shpërthyese dhe municionit luftarak”. /CNA





Lajmet e fundit nga