web counter
LEXO PA REKLAMA!

SHKARKO APP

App Store
Google Play

E fundit!

x

Policia zbardh sherrin masiv në Tiranë/ Arrestohet 37-vjeçari që qëlloi me armë

29 Prill 2023, 10:11, Kronika CNA

Policia zbardh sherrin masiv në Tiranë/ Arrestohet 37-vjeçari

Policia e Tiranës ka zbardhur sherrin masiv në orën 3 të mëngjesit të sotëm, ku u qëllua edhe me armë zjarri.

Blutë bëjnë me dije se ngjarja ndodhi në Rrugën e Dibrës, ndërsa në konflikt u përfshinë shtetasit me iniciale Xh.C., F. Xh., A. Xh., M. K., E. C., K. K., V. Q., F. N. dhe A. N..

Gjatë sherrit, njëri prej tyre, konkretisht 37-vjeçari me iniciale Xh.C. qëlloi njëherë në ajër me armë zjarri. Blutë kanë arrestuar këtë të fundit dhe kanë sekuestruar armën e zjarrit.

Sipas mediave, shkak i sherrit u bë ngacmimi i një vajze, por policia nuk ka dhënë detaje.

“Shërbimet e Komisariatit të Policisë Nr. 4, pas marrjes së njoftimit se në Rrugën e Dibrës, kishte ndodhur një konflikt, gjatë të cilit një shtetas, kishte qëlluar në ajër me armë zjarri, kanë organizuar menjëherë punën për kapjen e autorit të dyshuar dhe sqarimin e rrethanave të konfliktit.

Falë veprimeve të shpejta dhe profesionale, brenda një kohe rekord, shërbimet e Komisariatit të Policisë Nr. 4 në bashkëpunim me Forcën e Posaçme "Shqiponja", kanë kapur dhe arrestuar shtetasin Xh. C., 37 vjeç.

Shtetasi Xh. C., rreth orës 03:00, së bashku me shtetasit F. Xh., A. Xh., M. K., dhe E. C., janë konfliktuar për motive të dobëta, me shtetasit K. K., V. Q., F. N., A. N., dhe gjatë konfliktit shtetasi Xh. C., ka qëlluar më armë zjarri në ajër.

Në cilësinë e provës materiale u sekuestrua arma e zjarrit pistoletë, e dyshuar e përdorur nga ky shtetas”, thuhet në njoftimin e policisë.

Ndërkaq, materialet i kaluan Prokurorisë, për veprime të mëtejshme procedurale./ CNA.al





Lajmet e fundit nga