E fundit!

11:42 Aktualitet

“Historitë e mesazheve i di ajo”/ Përplasje e fortë mes Metës dhe Kryemadhit në gjyq: Mos u merr me llafe grash

Debate të ashpra kanë ndodhur në sallën e gjyqit mes kreut...

Parcela me kanabis në Skrapar/ Arrestohen 2 persona, nën hetim kryeplaku dhe inspektori i pyjeve

5 Shtator 2023, 10:04, Kronika CNA

Parcela me kanabis në Skrapar/ Arrestohen 2 persona, nën hetim

Foto nga aksioni i Policisë

Policia ka arrestuar në Skrapar dy persona me iniciale M. B., 43 vjeç dhe D. L., 33 vjeç, pasi kishin kultivuar 980 bimë kanabis në një zonë të pyllëzuar në fshatin Novaj.

Policia ka nisur hetimet për "Shpërdorim detyre", për shtetasit Sh. L., kryetar i fshatit Novaj dhe Q. D., inspektor i shërbimit pyjor të kësaj zone.

Njoftimi i Policisë:

Skrapar/Kontrolle nga toka dhe nga ajri, në fshatra dhe në zona të pyllëzuara, në vijim të operacionit policor anticannabis të koduar “Tomorri”.

Finalizohet si rezultat i një hetimi me metoda proaktive, faza e tretë e këtij operacioni.

Asgjësohen nëpërmjet djegies, 980 bimë narkotike cannabis sativa që u gjetën të kultivuara në një zonë të pyllëzuar, në fshatin Novaj.

Vihen në pranga 2 autorët e dyshuar të kultivimit të këtyre bimëve narkotike.

Procedohen penalisht kryetari i fshatit Novaj dhe inspektori i shërbimit pyjor të kësaj zone, për shpërdorim të detyrës.

Sekuestrohen 2 radio marrëse-dhënëse që u gjetën në banesat e të arrestuarve.

?Gjatë të gjitha fazave të operacionit “Tomorri”, janë asgjësuar 2105 bimë narkotike cannabis sativa, janë arrestuar 5 shtetas, është shpallur në kërkim 1 shtetas dhe janë proceduar në gjendje të lirë 3 të tjerë.

Shërbimet e Komisariatit të Policisë Skrapar, si rezultat i një hetimi me metoda proaktive, të ndjekur në bashkëpunim me Prokurorinë e Beratit, në bazë të informacioneve të siguruara nga inteligjenca policore, për një rast të kultivimit të bimëve narkotike, në fshatin Novaj, Skrapar, kanë finalizuar fazën e tretë të operacionit policor anticannabis të koduar “Tomorri”.

Në kuadër të kësaj faze, në territorin e fshatit Novaj, u gjetën të kultivuara 980 bimë cannabis sativa, të cilat u asgjësuan nga shërbimet e Policisë, nëpërmjet djegies.

Si autorë të dyshuar të kultivimit të këtyre bimëve, u identifikuan dhe u arrestuan shtetasit M. B., 43 vjeç dhe D. L., 33 vjeç, të dy banues në fshatin Novaj, Skrapar.

Gjatë kontrollit në banesat e këtyre shtetasve, u gjetën dhe u sekuestruan me cilësinë e provës materiale, 2 radio marrëse-dhënëse.

Në vijim të veprimeve procedurale për këtë rast, u referuan materialet në Prokurori ku nisi procedimi në gjendje të lirë, për veprën penale "Shpërdorimi i detyrës", për shtetasit Sh. L., kryetar i fshatit Novaj dhe Q. D., inspektor i shërbimit pyjor të kësaj zone.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Berat, për veprime të mëtejshme.