web counter
LEXO PA REKLAMA!

SHKARKO APP

App Store
Google Play

E fundit!

x

Ngacmoi seksualisht dy nxënëse/ Arrestohet mësuesi që u rrah nga familjarët e të miturave

18 Janar 2023, 09:33, Kronika CNA
Ngacmoi seksualisht dy nxënëse/ Arrestohet mësuesi që u rrah
Kleanthi Laçi,

Kleanthi Laçi, mësuesi i fizkulturës nga Tepelena, i cili dy ditë më parë u dhunua nga disa persona, është arrestuar.

Mbi të rëndon akuza e ngacmimit seksual dhe kallëzimit të rremë. Ai një ditë më parë doli me një deklaratë të stisur duke thënë se nuk i njihte personat që e kanë dhunuar, ndërkohë që kishte shkuar në makinën e tyre.

Sot Policia njofton se e kanë ndalur. Në arrest ka përfunduar edhe personi që e ka dhunuar. Ai rezulton të jetë vëllai i një prej vajzave të mitura që ngacmonte seksualisht mësuesi.

“Specialistët e Seksionit për Hetimin e Krimeve të Komisariatit të Policisë Tepelenë, në përfundim të veprimeve hetimore të kryera nën drejtimin e Prokurorisë pranë Gjykatës së Rrethit Gjyqësor Gjirokastër, për ngjarjen e ndodhur në datën 16.01.2023, në vendin e quajtur 'Zona industriale', Tepelenë, ku disa shtetas kanë goditur me mjete të forta shtetasin K. L., 59 vjeç, banues në Tepelenë (mësues), kanë ndaluar njërin prej autorëve të dyshuar, shtetasin:

G., 29 vjeç, banues në Tepelenë, për veprat penale 'Plagosja e lehtë me dashje', kryer në bashkëpunim dhe 'Vetëgjyqësia'.

Vijon puna intensive për identifikimin, kapjen dhe vënien përpara përgjegjësisë ligjore të bashkëpunëtorëve të tij.

Gjithashtu, në vijim të veprimeve hetimore, nga specialistët e Seksionit për Hetimin e Krimeve në Komisariatin e Policisë Tepelenë u bë ndalimi i shtetasit të dëmtuar K. L., 59 vjeç, për veprat penale 'Ngacmimi seksual' dhe 'Kallëzimi i rremë'.

Ndalimi i këtij shtetasi u bë pasi nga kallëzimet e marra në lidhje me këtë rast, dyshohet se ai ka ngacmuar seksualisht 2 shtetase të mitura”, njofton policia./CNA.al





Lajmet e fundit nga