web counter
LEXO PA REKLAMA!

SHKARKO APP

App Store
Google Play

E fundit!

x

Rasti i Lear Kurtit/ Zbardhet raporti i Avokatit të Popullit: Ngjarja mund të ishte parandaluar

17 Janar 2023, 13:02, Kronika CNA

Rasti i Lear Kurtit/ Zbardhet raporti i Avokatit të Popullit: Ngjarja mund

Gazetarja Klodiana Lala, ka zbuluar detajet nga raporti i Avokatit të Popullit në lidhje me rastin e Leart Kurtit.

Lala bën me dije se sipas raportit, punonjësit e policisë kanë qenë të paqartë dhe nuk kanë marrë masa kur ky person është ndier keq.

Duke iu referuar raportit, policët ishin të paqartë, por dhe kontradiktorë se pse ishte shoqëruar ky shtetas.

Raporti

Duke mbajtur në konsideratë natyrën e çështjes, në raste të tilla shërbimet e policisë, mund ta parandalonin këtë ngjarje, në kushtet e veprimeve apo mosveprimeve që përfaqësuesit e rendit publik kishin si detyrim të kryenin. Nisur nga këto deklarime si dhe duke iu referuar nenit 109 të ligjit të sipërcituar, rezulton se punonjësit e policisë kanë vepruar në kundërshtim me dispozitën e mësipërme, sepse nuk mund të bëhet shoqërimi i një personi duke u mbështetur vetëm në dyshime të pa arsyeshme. Sipas dispozitës së cituar, dyshimet duhet të jenë të arsyeshme, për kryerjen e një krimi, për të parandaluar kryerjen e një vepre penale, ose për identifikimin e personit ndaj të cilit zhvillohen hetime.

Gjithashtu u krye këqyrja e regjistrit të shoqërimit ku duhet të pasqyrohen rastet e shoqërimit. Gjatë këqyrjes së dokumentacionit të sipër përmendur, rezultoi se shtetasi Lear Kurti nuk ishte i evidentuar në këtë regjistër pas shoqërimit të tij në ambientet e komisariatit. Bazuar në rregullat e shoqërimit të personave në ambientet e komisariatit duhet mbajtur procesverbali i dokumentimit të veprimeve të kryera me personin e shoqëruar pas kryerjes së veprimeve të verifikimit e sqarimit të rastit për personin, nga punonjësi i policisë, si dhe dokumentimi i të dhënave, gjeneraliteteve të shtetasit për kohën hyrjes dhe qëndrimit të tij në Komisariat, cilësinë dhe shkaqet ligjore të kufizimit të lirisë.

Me shkresën nr.3858/3 Prot, datë 26.10.2022, kthim përgjigje nga Drejtoria e Përgjigje e Policisë së Shtetit përkatësisht, Departamenti për Sigurinë Publike ka dërguar pranë Institucionit të Avokatit të popullit DVD me pamjet filmike të kamerës së sigurisë të Komisariatit të Policisë nr.3 Tiranë , në DVP Tiranë, për datën 19.10.2022, theksojmë se nga këqyrja e këtyre pamjeve ato nuk janë të plota në të gjitha ambientet e Komisariatit.

Nga këqyrja e këtyre pamjeve nga Nd/komisionerët e avokatit të Popullit, pamje filmike të korridorit hyrës të derës kryesore në komisariat vërehet se: Patrulla ka sjellë në komisariat shtetasin Lear Kurti i cili në duar mban pranga, i shtrirë në tokë në gjendje të keqe shëndetësore me dridhje trupi. Në këto pamje duken punonjësit e policisë të cilët përpiqen ti japin ndihmë, shtetasi L.K ka qëndruar në ambientet e komisariati për 4 minuta dhe më tej është marrë nga patrulla e cila edhe e kishte shoqëruar më herët.





Lajmet e fundit nga