web counter
LEXO PA REKLAMA!

SHKARKO APP

App Store
Google Play

Ngacmoi një të mitur/ Arrest me burg për 68-vjeçarin, flet avokati mbrojtës

19 Tetor 2024, 11:08, Kronika CNA

Ngacmoi një të mitur/ Arrest me burg për 68-vjeçarin, flet

Gjykata vendos masën e arrestit me burg për 68 vjeçarin Iqmet Skënderi, i cili tre ditë më parë u arrestua nga policia e Maliqit për ngacmim seksual me të mitur. Prokuroria ka kërkuar masën e arrestit me burg, e cila u pranua nga gjykata. 68 vjeçari nuk e ka pranuar faktin të ketë ngacmuar 11 vjeçaren në fshatin Strelcë.

Avokati mbrojtës ka kërkuar të lirohet menjëherë i akuzuari, duke pretenduar për arrestim të paligjshëm.

“Çështja është tepër delikate sepse bëhet fjalë për një fëmijë të mitur. Klienti im nuk pranon asnjë gjë përveç pafajësisë dhe nuk pranon të ketë ngacmuar vajzën e mitur. U vendos arrestimi i ligjshëm dhe masa e arrestit në burg. Ne kërkuam lirim të menjëhershëm të tij pasi sipas pretendimeve dhe akuzave, nuk provohet asnjë lloj dyshimi i arsyeshëm që ky person të vazhdojë të rrijë në masë sigurimi.

Prokuroria ka paraqitur deklarimet e vajzës së mitur dhe nënës së saj. I keni nxjerrë dhe ju në media, vajza ka deklaruar që më ka prekur dhe më ka puthur në buzë, nëna nuk e ka deklaruar këtë fakt. Vetëm këto dy prova janë thelbësore, më pas janë kontrolli i dyqanit, prova relevante për situatën dhe akuzën që i është ngritur, për momentin janë vetëm këto dy prova.

Gjykata vendosi arrestimin e ligjshëm dhe masën e arrestit në burg. Ne kërkuam vlerësim të paligjshëm të arrestit dhe lirimin e menjëhershëm të këtij shtetasi.

Ka deklaruar se është i pafajshëm dhe nuk e pranon akuzën që i atribohet. Nuk e shpjegon, nuk është fjala për borxhe në dyqani, thotë që gjithë fshatit i jep veresie kur kanë nëvojë. Ka konflikte me nënën e vajzës së mitur pasi ajo i kërkon shpesh telefonin për të marrë njerëz në telefon dhe ky nuk ja jepte”, ka thënë avokati mbrojtës Mateo Balli./ CNA





Lajmet e fundit nga