web counter
LEXO PA REKLAMA!

SHKARKO APP

App Store
Google Play

U dhunua me bashkëshorten në Fier/ Ndërron jetë në spital 80-vjeçari

18 Tetor 2024, 07:48, Kronika CNA

U dhunua me bashkëshorten në Fier/ Ndërron jetë në

Ndërron jetë në spital 80-vjeçari, i cili disa ditë më parë u dhunua fizikisht së bashku me bashkëshorten e tij.

80-vjeçari ndodhej në gjendje të rëndë shëndetësore në spitalin e Fierit dhe nuk ka mundur t’u mbijetojë plagëve të marra dhe mëngjesin e sotëm ka ndërruar jetë.

Specialistët për Hetimin e Krimeve të Rënda të DVP Fier arrestuan autorin shtetasin I.N., 47 vjeç, banues në fshatin Povelçë, Fier.

Kjo ngjarje ka ndodhur ne fshatin Povelçë, në ambientet e jashtme të dyqanit ushqimor në pronësi të shtetasit, viktimës N.R.

Shtetasi I.N., autori për motive të dobëta ka goditur me grushte në pjesën e kokës, shtetasin N. R., 80 vjeç, dhe bashkëshorten e tij, shtetasen A. R., 77 vjeçe.

Si pasojë e dhunës shtetasi N. R., ndodhej i shtruar dhe intubuar në spitalin rajonal Fier në gjendje të rëndë, edhe pse ishte në kujdesin e mjekëve ka gjetur vdekjen. Ndërsa shtetasja A. R. bashkëshortja e tij pasi ka marrë mjekim në spital është larguar drejt banesës së saj.

Për këtë ngjarje materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Fier për veprën penale ‘‘Plagosje e rëndë me dashje’’ ku për autorin është dhënë dhe masa e sigurisë burg pa afat./ CNA





Lajmet e fundit nga