E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

GJKKO rrëzoi kërkesën për heqjen e masës/ Salianji: Përballë vetes ndihem i lirë!

15 Tetor 2024, 19:23, Kronika CNA

GJKKO rrëzoi kërkesën për heqjen e masës/ Salianji:

Demokrati Ervin Salianji ka reaguar pas hekurave pasi Gjykata e Posaçme rrëzoi kërkesën për heqjen e masës së sigurisë “Arrest në burg”.

“Babalja” i burgosur në burgun e Fierit që prej 27 shtatorit, është shprehur se ndonëse është i kufizuar dhe i privuar, përballë vetes së tij ndihet i lirë.

Në delir, Salianji vijon të besojë në pafajsinë e tij dhe të akuzojë Gjykatën, që sipas tij është një vegël në duart e Kryeministrit Rama.

Përmes postimit në rrjetin social “Facebook”, ai shkruan se e vërteta nuk mbulohet nën dritën e diellit dhe se dënimi i tij pa ligj rrit reagimin njerëzve të ndershëm.

"Ndonëse i burgosur, i kufizuar i privuar, e me një mandat me shumë mund të fituar, e që e shoh të trafikuar; përballë vetes e jush, jam njeri i lirë.

Po, jam njeriu më i lirë, më i lirë se ca shërbeëore, them atë që mendoj e vendos mbi atë që besoj!

Nuk shitem, nuk blihem, nuk trysnohem e as lëshohem nga padrejtësia, e prapë qëndroj e mbroj interesin publik. Përtej kostove, sakrificave, politikën atë çfarë kam bërë e bej , e kam zgjedhje dhe mision.

E di shumë mirë, që shumë shqiptarë vuajnë padrejtësitë njësoj e ndoshta më keq çdo ditë.

Shumë shqiptare e prekin persekutimin nga padrejtesia, e varfërinë nga pamundesia, qe ja vjedh ja dhunon Edi Rama vete, dora e tij e shtrire si zgjatime sherbetoresh, kudo.

Nuk di nëse kam më shumë keqardhje apo më shume përbuzje për shërbëtorët, që përthyejne shpinën në përkulje ndaj pushtetit, jo thjeshtë të korruptuar por kriminal.

Banda që vendosin për njerëz me diploma!

Të Pengmarrë në integritetin e tyre profesional, i nënshtrohen urdhërit arbitrar që vjen direkt nga skutat e krimit.

Jam i qartë edhe më shumë që dënimi pa ligj e pafuqia e çdo institucioni të pushtetit, veçse i hap shikimin e rrit reagimin njerëzve të ndershëm, opozitarë ose jo, që vuajne keqqeverisjen, emigrimin, korrupsionin, e shkeljen me kembe nga milioneret e pushtetit te krimit.

Sakrifica më motivon, për më shumë qëndresë e betejë!

E ta themi qarte, Edi Rama dhe Fatmir Xhafaj, ndihmojne trafikun e drogës, e mbrojne me gjyqësorin e kontrolluar.

E bekojnë dhe e mbrojnë vete, ndaj nuk u hetua trafikanti i drogës dhe as u hetua përdorimi e institucioneve të ministrisë së brendshme për lehtësimin e përfshirjen ne trafik droge.

Trafikanti vëlla apo xhaxha, nuk bëhet hero!

E vërteta nuk mbulohet nën dritën e diellit!"-shkruan ndër të tjera, Salianji./CNA