web counter
LEXO PA REKLAMA!

SHKARKO APP

App Store
Google Play

Nga shantazhi tek abuzimi/ Si ia rrëfeu 18-vjeçarja babait të saj “ferrin”, dëshmia

16 Janar 2024, 09:18, Kronika CNA
Nga shantazhi tek abuzimi/ Si ia rrëfeu 18-vjeçarja babait të
Foto ilustruese

Mediat greke kanë zbardhur dëshminë e 18-vjeçares, e cila u përdhunua nga vëllai i njerkës së saj, që nga mosha 12-vjeçare.

Në dëshminë e saj ajo ka rrëfyer momentin ku i ka treguar babait të saj se kunati e ngacmonte, e shantazhonte dhe abuzonte me të.

Ajo tregon se i ati e kishte mbështetur dhe e kishte drejtuar që ta denonconte.

 “Fillova t’i them babait se dikush më ngacmoi që në moshën 9-vjeçare dhe se përdhunimi filloi në moshën 12-vjeçare. Unë shpërtheva në lot. Babai më përqafoi. Ai reagoi shumë gjakftohtë dhe më tha se do të jetë pranë meje. Më tha të gjeja guximin të shkoja te një avokat për ta denoncuar”.
 
Në lidhje me zhvatjet nga vëllai i njerkës, vajza ka deklaruar se: “Më tha se i duheshin para se kishte nevojë. Në çantë kisha 1000 euro që më kishte dhënë babai në mëngjes për qiranë. Duke u kthyer në makinë, ai më tha se i kishte marrë nga çanta ime dhe nuk do të më shqetësonte më. Iu luta të mos bënte asgjë me videot.

Të nesërmen kuptova se kishte lënë rreth 150 euro nga paratë që kisha në çantë. Kisha frikë prej tij. Kisha frikë se ai do të më dëmtonte mua, motrat e mia, babain tim”, mësohet të ketë deklaruar për televizionin grek.

18-vjeçarja aktualisht është studente në një qytet të Greqisë. Babai i saj i mori me qira një apartament atje dhe i dha para për ta paguar.
Të dielën e kaluar, pronarja e saj i tha se qiraja ishte e vonuar dhe pikërisht atëherë filloi të shpaloset lëmshi i tmerreve.

“Babai im u informua nga pronarja se unë i kisha borxh 4 qira në shumën 1040 euro. Babai më kishte dhënë këto para, por unë nuk i kisha paguar. Të nesërmen në mëngjes erdhi babai për të më gjetur. Në fillim nuk doja t’i tregoja. Por më vonë, ia shpjegova të gjithë historinë që në fillim. I kërkova të qëndronte i qetë dhe vendosa t’i zbuloja se çfarë më kishte ndodhur shumë vite më parë.
Më pyeti se kush ishte, por nuk pata guxim t’i tregoja. Avokati më tha të filloja të shkruaja atë që më kishte ndodhur. Kam vizituar një specialist. Babai ishte gjithmonë pranë meje, duke qarë, duke ndier keqardhje për atë që më ndodhi. Ai donte të më mbronte, më përqafoi, më puthi. Ai këmbënguli që unë t’i tregoja se kush është”, ka thënë ajo.

18-vjeçarja kishte mbajtur gjithçka në një ditar që ia kishte treguar dhe më pas të atit.

“Babai im vazhdimisht qante dhe fajësonte veten për atë që më ndodhi. Më erdhi keq për të dhe i thashë se është vëllai i njerkës sime, gruas së tij të dytë. Me të dëgjuar këtë, ai u trondit. Atëherë ai insistoi edhe më shumë që të vazhdoja me ankesën. I kërkova kohë për të folur me psikiatrin dhe dukej se ishte dakord. Mësuesja ime erdhi në shtëpi dhe i kisha treguar më parë se çfarë po ndodhte, por jo në detaje rreth një vit më parë, kur i kisha thënë edhe motrës sime”, ka deklaruar 18-vjeçarja./CNA





Lajmet e fundit nga