web counter
LEXO PA REKLAMA!

SHKARKO APP

App Store
Google Play

E fundit!

x

Avokati i shqiptarit që vrau kunatin: 50-vjeçari nuk është kriminel

15 Janar 2024, 17:14, Kronika CNA

Avokati i shqiptarit që vrau kunatin: 50-vjeçari nuk është

Alexis Kougias është njëri nga dy avokatët e Fation Torellarit, shqiptarit që vrau kunatin e tij Erion Pelivani, pasi kishte mësuar se ai abuzonte seksualisht me vajzën e tij nga martesa e parë dhe e kishte kërcënuar atë me foto dhe video në këmbim të parave.

Para se të mbahet seanca gjyqësore, Kougias ka folur për mediat greke. Ai tha se Torellari nuk është kriminel.

Ai theksoi se njerëzit dhe trupi gjykues duhet të dinë rretghanat e plota të kësaj ngjarje dhe nuk duhet ta shohin 50-vjeçarin si një person që ka bërë vetëgjyqësi.

“Së bashku me kolegun tim të nderuar, një nga avokatët kryesorë, z.Michalis Vasilikos, kemi ndërmarrë një detyrë të vështirë. Duhet të tregojmë para drejtësisë greke rrethanat reale që i kanë paraprirë, rrethanat në momentin e shkrepjes së armës, të tregojmë personalitetin e vërtetë të autorit, të tregojmë se ky person nuk është një kriminel që ka vendosur të marrë ligjin në dorë, të tregojmë se për momentin në këtë familje ka një dramë të madhe, e cila për fat të keq nëse nëna e vajzës nuk do të kishte humbur jetën dhe klienti ynë nuk do të kishte bërë këtë martesë të re, asgjë nuk do të kishte ndodhur.

Para se të vija këtu, u morën në pyetje mësuesja dhe psikologu, të cilëve vajza e vogël u kishte besuar dramën që po vazhdonte prej nëntë vitesh. Rast i vështirë sepse nga pikëpamja e qasjes kriminale, akuza më e rëndë është marrja e jetës së njeriut. Kërcënohet me burgim të përjetshëm.

Ajo që shumica e njerëzve nuk e dinë është se prokuroria ka kërkuar një dënim minimal prej 2 vjetësh. Unë kam qenë avokat shumë vite përpara këtij njeriu fatkeq, e një rasti që kishte një fëmijë 12-vjeçar të përdhunuar dhe vrarë në Argos. Dënimi i dhënë për vrasjen e përdhunuesit dhe vrasësit të fëmijës së tij ishte 2.5 vjet.

Ne duhet të ndihmojmë drejtësinë që kjo dramë që ekziston me 3 vajza, me arsim të lartë, me një viktimë të madhe, një vajzë të vogël nga 9 deri në 18 vjeç, tani duhet të themi të vërtetën”./ CNA





Lajmet e fundit nga