web counter
LEXO PA REKLAMA!

SHKARKO APP

App Store
Google Play

Në kërkim për kultivim narkotikësh dhe armëmbajtje pa leje/ Pranga 33-vjeçarit

3 Prill 2026, 09:03, Kronika CNA

Në kërkim për kultivim narkotikësh dhe armëmbajtje pa

Policia ka vënë në pranga në Divjakë një 33-vjeçar të shpallur në kërkim.

I arrestuari, D. S., 33 vjeç, ishte shpallur në kërkim pasi është dënuar nga Gjykata e Korçës me 4 vite burg, për kultivim narkotikësh dhe mbajtje pa leje e armëve.

Nga dënimi, 33-vjeçarit i kanë mbetur për të vuajtur edhe 1 vit, 10 muaj e 4 ditë burg.

 

 

Njoftimi i policisë

 

Kapet një 33-vjeçar i shpallur në kërkim, i dënuar me 4 vjet burgim, për kultivim të bimëve narkotikëve dhe armëmbajtje pa leje. 

Shërbimet e Komisariatit të Policisë Divjakë, në vijim të punës për lokalizimin dhe kapjen e shtetasve të shpallur në kërkim, bazuar dhe në informacionet e siguruara në rrugë operative, kanë bërë të mundur lokalizimin dhe kapjen e shtetasit në kërkim: 

-D. S, 33 vjeç, banues në fshatin Çermë Sektor, Divjakë.

Ky shtetas është dënuar nga Gjykata e Korçës, me 4 vjet burgim, për veprat penale “Kultivimi i bimëve narkotike” dhe “Prodhimi dhe mbajtja pa leje e armëve të gjuetisë dhe sportive”. Nga ky dënim, atij i kanë mbetur për të kryer 1 vit, 10 muaj e 4 ditë.    

Veprimet e tjera procedurale për këtë shtetas u kryen nga shërbimet e Komisariatit të Policisë Pogradec.





Lajmet e fundit nga