web counter
LEXO PA REKLAMA!

SHKARKO APP

App Store
Google Play

Në kërkim ndërkombëtar për trafik droge/ Pranga turkut në Morinë

24 Shkurt 2026, 08:59, Kronika CNA

Në kërkim ndërkombëtar për trafik droge/ Pranga turkut

Një shtetas turk i shpallur në kërkim ndërkombëtar është arrestuar në doganën e Morinës.

Në pranga ka rënë 31-vjeçari V. B., ndaj të cilit Gjykata e Vjenës ka caktuar masën e sigurisë “Arrest me burg”, i akuzuar për prodhim dhe shitje narkotikësh.

Arrestimi u bë me qëllim ekstradimin e tij drejt Austrisë.

 

 

Njoftimi i policisë

 

I shpallur në kërkim ndërkombëtar për prodhim dhe shitje të lëndëve narkotike nga autoritetet austriake, kapet nga shërbimet e Policisë Kufitare Morinë, në hyrje të RSh-së, 31-vjeçari turk.

Si rezultat i kontrolleve me përzgjedhje dhe i verifikimeve në hyrje/dalje, me objektiv goditjen e paligjshmërive në kufi, si dhe ndalimin e shtetasve të shpallur në kërkim, të cilët tentojnë të lëvizin ilegalisht për t’iu shmangur përgjegjësisë penale, shërbimet e Policisë Kufitare Morinë, në bashkëpunim me shërbimet e DVP Kukës, kapën në hyrje të RSh-së dhe arrestuan me qëllim ekstradimin shtetasin turk:

V. B., 31 vjeç, banues në Stamboll.

Nga verifikimet e kryera dhe nga informacioni i shkëmbyer me Interpol Tiranën, rezultoi se ky shtetas ishte shpallur në kërkim ndërkombëtar, pasi Gjykata e Vjenës ka vendosur ndaj tij masën e sigurisë “Arrest në burg” për veprën penale “Prodhim dhe shitje e narkotikëve”.

Interpol Tirana, në bashkëpunim me homologët në Austri, vijon procedurat për ekstradimin e 31-vjeçarit.





Lajmet e fundit nga