E fundit!

20:13 Aktualitet

Vendimi i qeverisë/ Shqipëria hap ambasadë në këtë vend të BE-së

Shqipëria do të hapë ambasadën e saj në Irlandë. Vendimi ë...

Vrasja në Kavajë/ Kapet autori me dy identitete

22 Shkurt 2026, 08:46, Kronika CNA

Një ngjarje e rëndë është shënuar mesditën e 21 shkurtit në Kavajë, ku një 48-vjeçar ka humbur jetën pasi u godit disa herë me thikë gjatë një konflikti për motive të dobëta.

Sipas burimeve zyrtare, rreth orës 14:22, në lagjen nr. 3 të qytetit, shtetasi L. D., alias L. P., 48 vjeç, dyshohet se ka goditur me mjet prerës shtetasin S. V., alias S. I., po 48 vjeç. Si pasojë e plagëve të marra, ky i fundit ka ndërruar jetë

Menjëherë pas ngjarjes, autori i dyshuar është larguar nga vendi i krimit. Shërbimet e Komisariatit të Policisë Kavajë, në bashkëpunim me Forcat e Posaçme “Shqiponjat” dhe Forcat Operacionale të Drejtoria Vendore e Policisë Durrës, organizuan kontrolle intensive për kapjen e tij.

Pas disa orësh kërkimesh, Policia arriti ta lokalizojë dhe ta vërë në pranga 48-vjeçarin e dyshuar si autor të krimit.

Gjatë veprimeve të para hetimore u gjet dhe u sekuestrua në cilësinë e provës materiale mjeti prerës (thika) që dyshohet se u përdor në vrasje.

Hetimet vijojnë nën drejtimin e Prokuroria e Durrësit, për zbardhjen e plotë të rrethanave dhe dokumentimin ligjor të rastit.

"Goditi disa herë me mjet prerës, gjatë një konflikti për motive të dobëta, një 48-vjeçar i cili si pasojë humbi jetën, Policia, pas disa orësh kërkimesh, lokalizoi, kapi dhe arrestoi autorin e dyshuar.

Sekuestrohet në cilësinë e provës materiale mjeti prerës (thikë) që autori dyshohet se përdori për të goditur 48-vjeçarin.

Shërbimet e Komisariatit të Policisë Kavajë, Forcat e Posaçme “Shqiponjat” dhe Forcat Operacionale të DVP Durrës, pas disa orësh kërkimesh e kontrollesh për kapjen e autorit të vrasjes me mjet prerës të 48-vjeçarit, bënë të mundur lokalizimin, kapjen dhe arrestimin e shtetasit:

L. D., alias L. P., 48 vjeç, banues në lagjen nr. 3, Kavajë.

Ky shtetas dyshohet se më datë 21.02.2026, rreth orës 14:22, në lagjen nr. 3, Kavajë, gjatë një konflikti për motive të dobëta, ka goditur disa herë me mjet prerës (thikë) shtetasin S. V., alias S. I., 48 vjeç, i cili si pasojë e plagëve të marra humbi jetën.

Autori i dyshuar, pas goditjes me mjet prerës, u largua nga banesa, por u kap pas disa orësh kërkimesh dhe kontrollesh nga shërbimet e Policisë.

Gjithashtu, gjatë veprimeve të para hetimore dhe kërkimeve për gjetjen e provave materiale, grupi hetimor ka gjetur dhe sekuestruar në cilësinë e provës materiale mjetin prerës (thikë), me të cilin dyshohet se autori goditi, me pasojë humbjen e jetës së 48-vjeçarit S. V., alias S. I.

Grupi hetimor, nën drejtimin e Prokurorisë, vijon punën për sqarimin e plotë të rrethanave dhe dokumentimin ligjor të rastit.

Materialet procedurale iu referuan Prokurorisë së Durrësit, për veprime të mëtejshme", njofton policia./ CNA