web counter
LEXO PA REKLAMA!

SHKARKO APP

App Store
Google Play

Në kërkim ndërkombëtar për grup kriminal/ Ekstradohet nga Kroacia 55-vjeçari

1 Dhjetor 2025, 11:28, Kronika CNA

Në kërkim ndërkombëtar për grup kriminal/ Ekstradohet

Një 55-vjeçar i shpallur në kërkim ndërkombëtar është ekstraduar nga Kroacia drejt Shqipërisë.

Ndaj tij Gjykata e Posaçme ka caktuar masën e sigurisë “Arrest me burg”, i akuzuar për grup kriminal dhe kontrabandë mallrash.

Ai akuzohet se në bashkëpunim me persona të tjerë kanë kontrabanduar mallra, vlera e të cilëve arrin në 366 034 540 lekë dëm.

 

 

Njoftim i policisë

Ekstradohet nga Kroacia, një 55-vjeçar, i cili akuzohet nga GJKKO-ja, si pjesëtar i një organizate kriminale që i ka shkaktuar shtetit, dëm të konsiderushëm ekonomik, nëpërmjet kontrabandës së mallrave për të cilat paguhet akcizë.

Në vijim të bashkëpunimit të ngushtë ndërmjet specialistëve të Drejtorisë së Interpolit, me homologët në Kroaci, u finalizua procedura për ekstradimin në Shqipëri, të shtetasit: 

E. Sh., 55 vjeç, lindur në Maqedoninë e Veriut.  

Ky shtetas ishte shpallur në kërkim ndërkombëtar pasi Gjykata e Posaçme e Shkallës së Parë për Korrupsionin dhe Krimin e Organizuar, me vendimin e datë 27.05.2025, i ka caktuar masën e sigurisë “Arrest në burg”, për veprat penale “Kontrabanda me mallra për të cilat paguhet akcizë ose me pezullim të plotë apo të pjesshëm nga detyrimet doganore ose të akcizës”, kryer në formën e veçantë të bashkëpunimit, atë të grupit të strukturuar kriminal, “Grupi i strukturuar kriminal” dhe “Kryerja e veprave penale nga organizata kriminale dhe grupi i strukturuar kriminal”.

Shtetasi E. Sh. akuzohet se në bashkëpunim me shtetas të tjerë, duke vepruar si organizatë kriminale, ka kontrabanduar mallra (cigare) për të cilat paguhet akcizë. Me këtë veprimtari, ata i kanë shkaktuar shtetit shqiptar, dëm ekonomik 366 034 540 lekë.  

Shtetasi i ekstraduar iu dorëzua Drejtorisë së Përgjithshme të Burgjeve, për ekzekutimin e vendimit të Gjykatës./CNA





Lajmet e fundit nga